ATH: Við kaup á þessari vöru skráist þú sjálfkrafa á póstlista Systur&Makar.

Með þessum kaupum ertu að styrkja Einstök börn og takk kærlega fyrir það!

Endilega munið að kíkja í spam ef hann kemur ekki beint í innhólf 😉

ATH að öll fyrirtæki sem styrkja með upphæðum 25.000 og hærra fá tilkynningu á Instagram síðu Systur&Makar þar sem fyrirtækið verður jafnframt merkt um sína þáttöku nema að annað sé tekið fram.

Þá er komið að páskaratleik ársins 2026!

Þetta er nú 6 skiptið sem ég útbý svona páskabraserí fyrir alla þá sem vilja en hingað til hef ég gefið hann alveg frítt. Það hafa þó ansi margir nefnt það við mig að vilja greiða fyrir hann. Svo eftir þónokkra umhugsun ákvað ég nú í ár að breyta til og bjóða greiðslu fyrir leikinn sem um leið styrkir gott málefni.

Upphæðin fer frá 500.- og uppúr en þú ræður hvort og hversu mikið þú vilt styrkja!

Í ár styrkjum við félagið Einstök börn.

Einstök börn er landssamtök barna með sjaldgæfa sjúkdóma og heilkenni.

Félagið var stofnað árið 1997 og í dag eru um 900 börn í félaginu með sjaldgæfa sjúkdóma, eða rúmlega 4000 félagsmenn í heildina með foreldrum, stjúpforeldrum, systkinum, ömmum og öfum, sem sýnir að þótt við séum sjaldgæf þá erum við mörg saman.

Félagið veitir bæði stuðning og faglega þjónustu, þar sem fjölskyldur fá leiðsögn, fræðslu og aðstoð við að takast á við afar flóknar aðstæður. Þar má meðal annars nefna fjölbreytt hópastarf eins og mæðra- og feðrahópa undir handleiðslu fagfólks, ungmennahópa og aðra samveru sem styrkir tengsl og brýtur félagslega einangrun.

Í gegnum starf sitt skapar félagið mikilvægt samfélag, eykur þekkingu og vinnur að bættum lífsgæðum barna og fjölskyldna þeirra, svo enginn þurfi að standa einn. Starfið er alfarið byggt á fjáröflunum og samfélagslegum stuðningi.

Leikurinn:

Í ár samanstendur leikurinn af 7 nýjum vísbendingum með vísum og þrautum sem blanda má við leiki fyrri ára og eru því vísbendingarnar orðnar 38 talsins.

Leikir fyrri ára verða einnig sendir út en þar má meðal annars finna myndaratleik fyrir yngstu gormana, 30 spurninga páskaquiz og páskabingó, páskaeggjaorrustu og veglegan föndur- og þrautapakka sem veitir börnunum heilmikið að dunda við.

Leikurinn passar fyrir allan aldur og er hugmyndin að skemmta sem flestum, ungum sem öldnum og stuðla að samvinnu og gleði.

Þó leikurinn sé vissulega frír þá vona ég að í ár takist að safna svolítilli upphæð í þágu þessa verðuga málefnis.

Leikurinn verður sendur út á alla meðlimi póstlista fimmtudaginn 26. mars.

Eins er ég sérstaklega þakklát ef þið eruð til í að deila með mér myndum/videoum af undirbúningi og/eða frá leitardeginum sjálfum.. það veitir mér ómælda ánægju að sjá þetta gleðja ykkar nánustu!

Best er að merkja á Instagram undir myllumerkinu #systurogmakarpaskar eða tagga þar @systurogmakar nú eða senda myndir á facebook síðu Systur&Makar eða systurogmakar@gmail.com

Gleðilega páska og takk fyrir að styrkja Einstök börn.

Tim & Simonsen