Frá upphafi VOLCANO DESIGN hafa allar vörur merkisins verið framleiddar á Íslandi á eigin saumastofu. Það er ákveðið flækjustig og kostnaðarsamt en hefur um leið ótal kosti.

Hjá okkur starfa bæði menntaðir og ómenntaðir fagaðilar og skiptir það okkur miklu máli að ferlið á bakvið vöruna sé jákvætt, bjart og gott.

Í ferli efna- og fataframleiðslu myndast oft lagerar sem sitja ónýttir og kallast þeir „Deadstock“. Við hjá VOLCANO DESIGN eigum það til að nýta okkur þennan efnakost og draga þannig úr landfyllingu.

Þetta er ekki lausn á offramleiðsluvanda fataframleiðslunnar en þetta er þó umhverfisvænt og gengur hjá okkur þar sem framleiðslan er ekki í massavís né „fast fashion“.

Í sníðaferlinu falla til bútar sem ekki nýtast í hina eiginlegu vöruframleiðslu og þykir okkur bæði óskaplega gaman og mjög gefandi að nýta þessa afganga.

Þessar vörur taka jafnan mun lengri tíma í sníðslu sem og saum en ferlið er virkilega skemmtilegt og umhverfisvænt og varan verður svo sannarlega einstök því hver og ein endurunnin vara á sér enga sína líka.