Left Halda áfram að versla
Pöntunin þín

Það eru engar vörur í körfunni

Viltu bæta við?
2.960 kr 3.700 kr
2.320 kr 2.900 kr

Hugmyndabanki fyrir bústaðinn, stofa og eldhús.

(English below)

 

Jú við fórum náttúrulega á flug í að finna fallegar myndir til að gefa okkur innblástur og hugmyndir að innréttingum og stíl í bústaðinn.

Brátt fundum við þessar myndir svo þá var eiginlega ákveðið strax að hafa hann svartan að utan með hvítum gluggum. Við erum ekki alveg ákveðin í því hvort við málum hann núna eða næsta vor. Ég er að elska þennan Skandinavíska stíl. 

 

Inní bústaðnum viljum við svo vera með hvít loft, glugga og hurðar sem og hornlistana en gráa veggi. Við ætluðum svo að hafa herbergin með hvítum veggjum en þegar við byrjuðum sáum við að þar sem bústaðurinn er ekki svo stór þá höfðum við herbergin grá eins og frammi. Eins viljum við vera með svolítið af svörtum hlutum, eitthvað af mublum, svarta myndaramma og svart í púðum og öðrum smáatriðum. Við vonum að með þessu verði bústaðurinn hlýlegur en einnig svolítið rokkaralegur og öðruvísi.

Ég vil byrja á því að segja ykkur aðeins frá hugmyndunum fyrir aðalrýmið: stofuna, borðstofuna og eldhúsið.

Viðarbitana í loftunum viljum við dekkja aðeins og koma þeim viðarlit inn í hillur og borðplötu líka. Þessi mynd er svolítið lýsandi..

Við urðum strax hrifin af því að halda svolítið af viðarlit í bland við ljósa veggina, bastið er líka hlýlegt og það verður bara að vera svolítið af basti í bústöðum, eruði ekki sammála?

Hér eru fleiri myndir sem að við fundum fyrir stofuna:

Litirnir á þessari mynd eru aðeins of kaldir miðað við það hvernig við viljum, en okkur finnst sófinn skemmtilegur og ætlum að nýta þessa hugmynd.

Pælingin er ss. að græja sófa úr einstaklings rúmi og púðum og pullum. Við þetta er þá einnig möguleiki á auka gistirými án þess að vera með svefnsófa sem að við fundum ekki í réttri stærð. Við vonum því að þessi lausn muni nýtast vel og koma skemmtilega út. Við munum að sjálfsögðu leyfa ykkur að fylgjast með því þegar þar að kemur... 

  

Svartir tónar í bland við ljósa, gráa og viðarlit, þetta finnst okkur kósý og sófinn fullur af pullum "kallar" bókstaflega á mann!

Við erum virkilega hrifin af sófaborðinu á þessari mynd, enda hafa járnborð í þessum stíl verið vinsæl uppá síðkastið. Hugmyndin er að smíða okkar eigið borð, mögulega með hillu í miðjunni eða neðarlega líka til að geyma bækur ofl. Með því að gera borðið sjálf munum við geta notað sama viðinn í borðplötuna eins og við stefnum á að nota í hillur í eldhúsinu, þar mun myndast tenging og heildarmynd á rýmið.

Við erum með einn karamellu brúnan leðurstól sem við viljum hafa í stofunni, ekki eins og á myndinni en þessi gefur smá hugmynd. Okkur grunar að hann komi með mikinn hlýleika og muni brjóta svolítið upp ljóst umhverfið. Grænar plöntur eru líka dásamlegar í bland við þessa tóna svo það verður eitthvað valið af þeim fyrir stofuna, ætli það endi ekki í plastplöntum þar sem þetta er uppí sumarbústað og við ekki ávallt á staðnum til að vökva og sinna þeim, en "lookið" verður klárlega til staðar!

Stækkanlegt borðstofuborð fylgir bústaðnum ásamt stólum. Settið er furusett, klassíkst sumarbústaðarlook sem að við viljum aðeins poppa upp.

Stólana ætlum við að lakka svarta sem og borðfótinn en borðplatan mun fá að halda viðarlitnum þar sem hún verður bæsuð í stíl við sófaborðið, eldhúshillurnar og loftbitana. Við erum líka búin að kaupa einn svartan baststól úr IKEA sem að verður á öðrum endanum og dökkan bekk sem verður á annarri hliðinni. Við þetta verður hellings sætapláss og borðið nær vonandi áfallt að vera í fullri stærð.

Einnig fylgir ofsalega fallegur postulínsskápur sem við erum að hugsa um að mála svartan. Við systur vorum alveg ákveðnar í að mála hann hvítan fyrst en erum nú orðnar mjög heitar fyrir svarta litnum. Ég er svakalega spennt fyrir því að sjá hvernig hann kemur út og það væri alveg spurning að halda hluta af honum viðarlitum.. borðplötu og hillum eins og á myndinni hér að ofan eða mögulega öllu innvolsi... þetta verður spennó!

Eldhúsið er skemmtilega skipulagt með ofsalega góðu innvolsi nú þegar. Við viljum þó fjarlægja efri skápana og létta aðeins á innréttingunni með því að koma með opnar hillur. Borðstofuskápurinn mun hýsa mikið af postulíninu hvort eð er svo að hillurnar verða meira til að létta á rýminu og til að leyfa fallegum skrautmunum að njóta sín.

"Einnig ætlum við að láta sprauta fyrir okkur eldhúsfrontana hvíta í stíl við loftin, gluggana og hilluberana. Hillurnar verða viðarlitar en borðplatan er nú þegar dökkgrá og mjög fín svo henni viljum við alls ekkert breyta." Þessi setning var skrifuð áður en að við máluðum veggina, innréttingin er svolítið ljósbleik í furuumhverfinu en nú þegar búið er að mála grátt og hvítt í kring þá finnst okkur hún alls ekkert svo slæm.. við ætlum því aðeins að bíða með að sprauta innréttinguna og eyða peningunum frekar í skrautmuni, (við systur erum snöggar að aðlagast.. ;)

Í næsta pósti ætla ég aðeins að segja ykkur frá svefnherbergjunum og svefnloftinu.. fylgist því endilega með elskurnar! :)

Við bendum á að allar myndirnar í þessum pósti má ýta á og finna uppruna hverrar myndar.

Við erum svo með eiginlega "live feed" af breytingunum á Instagraminu okkar, endilega fylgist með þar.

Verið góð við hvort annað kæru vinir!

Sköpum okkar eigin hamingju, kveðja Katla

- Systur & Makar –

Hægt er að fylgjast með okkur á Instagram, Facebook, Pinterest og Twitter

Skráið ykkur einnig á póstlistann okkar hér fyrir ofan til hægri)

Mood-board for the summerhouse: kitchen, living and dining.

We started planning for the look for the summerhouse couple of weeks ago and have decided to paint it black on the outside with white detailing. This will probably not happen until next spring because it is "PRACTICAL"... hate the term "practical", but I might have to give in, we'll see..

This Scandinavian look is so up our alley and we are loving it..

On the inside we will have white ceilings, doors, windows and cornices which will pop with the grey walls. We also meant to paint the rooms completely white but have now decided to keep them grey like in the main space. 

We love black details, not exactly "summerhouse-y", but we like that.. a bit more rock, modern and cool but still keeping it classy and cosy! Black picture frames, couple of furnitures in black, pillows and details

Here are some ideas for the kitchen, living and dining...

The wooden beams in the loft we decided to darken and it has now a dark walnut colour, absolutely lovely! We will also introduce this stainer to the dining-room table, kitchen shelves, living-room bench and sofa table and that will connect all those spaces together.

We also want to introduce some bast, in summerhouses you've got to have some bast, don't you think?!! Living room rug, baskets etc...  

Whereas we didn't find a sofa that fitted perfectly into the space we have decided to make our own from a bed and pillows. This will give us an extra sleeping "just in case" and we find it to be super cosy looking! We are also going to make our own sofa table, metal structured frame with stained wood matching the ceiling beams and dining room table. Introducing a little industrial feel we will continue that style throughout the space.

The kitchen is a bit heavy as it was originally so we removed the upper cabinets which lightened this whole space. We will add open shelving instead and paint the buffet black. We were going to paint the kitchen fronts in white but are going to hold on that thought for now since the colour of the cabinet changed completely when we painted the surrounding walls.

In the next post I will tell you more about the bedrooms, loft and bathroom so please stay tuned.

We have a little "live feed" on our Instagram page which you can follow.

Happiness is not something you postpone for the future; it is something you design for the present. -Jim Rohn

Katla, on behalf of

- Systur & Makar –

Please follow us on Instagram, Facebook, Pinterest and Twitter

Plus you can sign up for our newsletter here on the right!