OK Bútasjal 514

Hugmyndin að "OKi" á móðir mín; Fríða, en hún er stórmerkileg uppspretta hugmynda og pælinga sem er magnað að fá að taka þátt í. Hún hringdi í mig stuttu eftir að fréttir bárust um að fyrsti íslenski jökullinn væri nú horfinn sökum loftslagsbreytinga og hvatti mig til að gera eitthvað til minningar um hann.

Eftir svolitla umræðu þótti okkur gáfulegast að gera þá vöru úr einhverju sem hefði sama sem engin áhrif á umhverfið og landfyllingu. Það þýðir að OK er að öllu leiti gert úr afgangs bútum, afskurðum og efnum sem annars væru ekki notuð eða svokölluðum "dead stock".

Eins þótti mér sniðugt að þetta væri eitthvað hlýtt, "hlýnun jarðar og jökull" það var eiginlega ekkert annað sem kom til greina.

Úr varð því einskonar búta hulsa eða hálskragi sem einnig er hægt að nota sem sjal með því að draga það aðeins niður á axlir. 

Með því að nýta bútana þá þýðir það jú að engir tveir "OK" eru eins, hver og einn er einstakur, alveg eins og jöklarnir sem fara nú hverfandi...

Hlýtt, praktískt og unnið úr efnisafskurðum og afgöngum!

Þess má geta að mamma á líka heiðurinn af flestum nöfnum á flíkunum mínum enda er hún gangandi orðabók og viskubrunnur!

Við mælum með handþvotti á þessari vöru:

Efnisblanda: fjöldi mismunandi efnisbúta sem hafa safnast saman í gegnum tíðina og fá nú nýtt líf í stað þess að breytast í landfyllingu.

Takk fyrir að styðja við íslenskt atvinnulíf- íslenska hönnun og framleiðslu.