Left Halda áfram að versla
Pöntunin þín

Það eru engar vörur í körfunni

Viltu bæta við?
2.960 kr 3.700 kr
2.320 kr 2.900 kr

Valentínus, antík, tjútt og leti - dagur 3-4 í Kaupmannahöfn

(English below)

Valentínusardagurinn er misvinsæll hér á landi og þykir sumum þetta einfaldlega vera ástæða til að ýta undir neysluhyggjuna í formi gjafa-, blóma og súkkulaðikaupa. Aðrir fagna því að amerískri menningu sé hampað og taka þátt af fullum þunga með tilheyrandi gjafakaupum.

Valentínusardagurinn er dagur helgaður ástinni sem haldinn er heilagur 14 febrúar ár hvert. Eins og segir á Wikipedia: „dagurinn á uppruna sinn í Evrópu á 14. öld en í löndum þar sem hefðin fyrir deginum á ekki langa sögu hafa bandarískir siðir gjarnan fylgt þegar venjan er tekin upp“.

Ég viðurkenni það að ég er persónulega hrifnari af bónda og konudeginum enda eru þeir dagar í mínum huga „íslenskari“. Aftur á móti tel ég það aldrei af hinu slæma að hampa ástinni og dagar sem eru sérstaklega vel til þess fallnir fara svo sannarlega ekki fyrir brjóstið á mér.

Ég segi því: elskist og njótið, fagnið í friði og ef að þessi dagur þjónar engu öðru en að vera afsökun til að njóta súkkulaðimola og rósarilmar í faðmi hins heittelskaða eða fjölskyldunnar þá í guðs bænum njótið þess í botn elskurnar!

 

Aftur að Kaupmannahöfn, við systur vorum hér nývaknaðar á degi 3 eftir langan svefn. Eins og við ákváðum í byrjun ferðarinnar var planið einfalt: ekkert plan, bara njóta! Það að sofa út þennan notalega laugardagsmorgun fylgdi því ekki vottur af móral heldur ofsalegt þakklæti fyrir góðan blund.

Við rifum okkur loks upp og skottuðumst af stað en ferðinni var nú heitið á Nýhöfn þar sem gengið var um svæðið þvert og endilangt. 

Veðrið var milt og gott en þónokkuð kalt svo hressileg gangan var nauðsynleg til að halda á okkur hita.

Við kíktum inn í nokkrar verslanir á leiðinni og var ein antíkbúðin hér sem heillaði okkur svo sannarlega upp úr skónum, Fil de Fer var það heillin. Monica Zetterlund ómaði í græjunum og endalausum antíkmunum var raðað listillega upp án þess að vera í kraðaki.

Ég á frekar auðvelt með að aðlaga mig að aðstæðum og skipti fljótt um skoðanir, 1960‘s stíllinn sem ég ætlaði að sannfæra Tótu mína með fyrir nýtt útlit á íbúðinni (2 daga gamalt plan) fékk nú að fjúka fyrir 1920‘s Art Deco stíl í bland við franska smáhluti. Ó mig auma, ég þarf að eignast mörg hús og staði til að innrétta, ég bókstaflega víbraði og þegar afgreiðslumaðurinn bauð okkur karamellu úr gamalli glerkrukku kiknaði ég í hnjánum!

Ef þið heillist af gömlum munum og krúttheitum mæli ég svo sannarlega með þessari yndislegu verslun. Hún er ekki ódýr enda á hún nokkuð að vera það?

María hefur farið nokkrum sinnum að heimsækja Mekkín og Arnar til Kaupmannahafnar og í eitt skiptið datt hún inn á ferlega sætan veitingarstað sem heitir Taste. Hún hefur nú farið á hann í hvert skipti sem hún hefur tækifæri til og það var að sjálfsögðu must að sýna mér staðinn.

Hann er ofsalega sætur að utan sem innan en eigandinn er franskur og er þekktur fyrir sérstaklega góðan mat og tertur. Jább, þetta var eitthvað fyrir mig! Hann var reyndar pakkaður þegar við komum en staðurinn er reyndar ekki mjög stór. Við biðum því um stund þar til við fengum sæti og pöntuðum okkur nýkreystan gulrótarsafa, eggjakökur, franskar og margra laga mokkatertu í eftirrétt. Jööömmm!

Þegar María fór síðast fannst henni kakan svo dásamlega ljúffeng að hún fór beinustu leið heim og útbjó sína sykurlausu útgáfu af þessari girnilegu tertusneið. Linkinn og uppskriftina má finna hér en hún er alls ekki síðri en orginalinn!

Laugardagskvöld og við ákváðum að nú skyldi tjúttað! Við fórum því heim eftir röltið um borgina og hófum sötur ásamt Kristínu vinkonu Mekkínar sem að „djoinaði“ okkur. Mekkín blandaði jarðaberja daquiry í blandaranum sínum og heljarinnar förðunaræfingar tóku völdin með hliðsjón af hinni hæfileikaríku Helenu Reynis! Þegar augnhárin voru komin á sína staði og skyggingarnar voru nokkuð vel fullkomnaðar skunduðum við af stað í bæinn.

Nokkrum skotum, drykkjum og dansiballi síðar með meðfylgjandi marblettum og harðsperrum og vel kitluðum hláturstaugum vöknuðum við daginn eftir svolítið gráar.. já ókei, vægast sagt gráar og tókum daginn í letikasti.

 

Við horfðum á fullt af bíómyndum, átum sælgæti og pöntuðum mat í algjöru móki og vitiði – það var snilld! Algjört „quality time“ í kósýgöllunum okkar að sjálfsögðu, þar sem við höfðum það endalaust notalegt með maska og hreinsiklúta til að fríska aðeins upp á líðan og útlit!

Við höfum nú komist að því að það MÁ slugsa, þó maður sé í útlöndum, já maður er alltaf að læra ;)

Ef þér líkaði þessi póstur væri dásamlegt ef þú vilt vera yndi og deila :)

Verið góð við hvort annað kæru vinir!

Sköpum okkar eigin hamingju, kveðja Katla.

- Systur & Makar –

Hægt er að fylgjast með okkur á Instagram, Facebook, Pinterest og Twitter

Skráið ykkur endilega einnig á póstlistann okkar hér fyrir ofan til hægri

Veljum íslenska hönnun og íslenska framleiðslu!

Valentines day- antique shops, night out on the town and some serious laziness!

-day 3-4 in Copenhagen!

The Valentines-day is not quite as large here in Iceland as in many other countries! I do however appreciate days that applaud love so call it whatever you want, enjoy the day and LOVE with anyone, in any shape or form that being a partner, family, pet or simply yourself! Happy Valentines!

 

Back to Copenhagen! My sister and I were just waking up on day three after a long and much appreciated sleep. Like we decided at the beginning of our trip, our plan would be simple: NO plan, just ENJOY!

So sleeping in this lovely Saturday morning did not come with any sort of morale, but a gratitude for a wonderful dreamland!

We finally got ourselves on the move and we were headed to Nyhavn where we explored the areas every nook and cranny!

The weather was mild and nice but a little cold so the brisk walk was necessary to keep us warm!

We popped into a couple shops on the way and one of them was this very charming antique boutique Fil de Fer. Monica Zetterlund played on the radio and endless amounts of antique furniture’s, bits and pieces were scattered everywhere without it being messy or over the top.

I find it quite easy to adapt to different scenarios and change my mind, so the 1960’s style I was going to convince Tota to change the apartment to, now was replaced with 1920’s Art Deco style mixed with French detailing!

Dear lord: please help me own many houses and spaces in the future where I can decorate in any sort of style I fancy.. at that particular time because you know my mind shifts every other minute... oh and while I'm at it, loads of money would be great as well so I can buy whatever I need... Lots of love! -K

Antiques aren’t exactly the cheapest, but they aren’t supposed to be, right!?

María has been to Copenhagen a couple of times to visit Mekkín and Arnar, and on one of those occasions she stumbled upon a super cute French restaurant/coffee house/bakery. The owner is indeed French and celebrated for his amazing pastries. Since the discovery she has been there every time she gets the change and it was of course a MUST that I would go and try for myself! It didn’t disappoint let me tell you!

It isn’t very big but it was packed when we arrived so we waited a while to get seated. We ordered a freshly pressed carrot juice, omelettes, French fries and a layered mocha cake for dessert! The cake was delish and the food and atmosphere over all was very, very nice, I can easily recommend this one for any traveller! Plus they have a great variety of macaroons and those I will buy and try on my next visit!

Saturday night evening and it was decided, this would be the night we would go out and do a little dancing! After some heavy make-up tutorials and couple of strawberry daiquiris by Mekkín, we went out on the town and her friend, Kristín, joined us!

Couple of shots, drinks and kicking it on the dance-floor with matching bruising, muscle fever and sore stomach cramps from heavy laughing, we woke up the next morning a little grey. Well OK, very “grey” and decided to approach the day with utter care and spent it in the sofa like some epic potatoes with cleansing masks, movies and chocolates binge eating!

We have now learned that it is in fact A-OK to “not do anything" for a day, even if you are travelling abroad!

The day was in fact EPIC and we enjoyed the heck out of it in each other’s company, and since it’s Valentines: a big shout out to my girls is in order, love you to bits!

If you liked this post, please be a dear and share the joy:)

Happiness is not something you postpone for the future; it is something you design for the present. -Jim Rohn

Katla, on behalf of

- Systur & Makar –

Please follow us on Instagram, Facebook, Pinterest and Twitter

Plus you can sign up for our newsletter here on the right!