Olifa - DOP meðal bragðsterk

3.420 kr
Vara uppseld

OLIFA var stofnað í byrjun árs 2017 en eigendur fyrirtækisins eru hjónin Emil Hallfreðsson atvinnumaður í knattspyrnu og eiginkona hans Ása Reginsdóttir en þau hafa verið búsett á Ítalíu í liðlega tíu ár. Þau, ásamt Fransesco Allegrini og Paola Sartori eru stofnendur og eigendur OLIFA. Öll deila þau brennandi áhuga á góðum mat og saman hafa þau því eytt ófáum stundum á ítölskum veitingahúsum og notið þeirra hráefna sem Ítalir eru hvað færastir í að framleiða og matreiða.

OLIFA hefur tekist að sameina hin ýmsu hágæða ítölsku hráefni undir einn hatt, sem Íslendingum gefst nú kostur á að njóta, betur en nokkurn tímann áður. Fransesco Allegrini er sonur eins ástsælasta vínbónda Ítalíu, Franco Allegrini og þökk sé fjölskyldufyrirtæki þeirra, Allegrini Winery sem valið var vínhús Ítalíu 2016, fær OLIFA að njóta góðs af þeirra tengslum og umhverfi í matvælaiðnaðinum. Í krafti  þessara tengsla, ástríðu og áhuga fyrir góðum mat hefur okkur hjá OLIFA því tekist að leiða hin ýmsu hágæða ítölsku hráefni saman við hagstætt verð fyrir íslenska neytendur.

Það sést líklega best á því að Regionale jómfrúar olían okkar frá Puglia var valin ein besta olía Ítalíu 2017 og í fyrsta sinn fæst ítölsk DOP jómfrúar olía nú á Íslandi, en DOP er mikilvægur gæðastimpill á ítölskum matvælum.

Ósk okkar er sú að allir Íslendingar fái að njóta þess besta sem Ítalía hefur upp á að bjóða og að hágæða jómfrúar ólífuolía sé ekki munaðarvara sem enginn hefur efni á heldur nauðsynjavara og mikilvægur partur af mataræði Íslendinga.

Við vonum af öllu hjarta að OLIFA standist ykkar kröfur og muni færa ykkur aukin gæði í hina hversdagslegu eldamennsku.

DOP 

Ítalskur gæðamatur er einstakur og það vita Ítalir vel enda hafa ítölsk stjórnvöld stigið mikilvæg skref í að tryggja að þeirra besti og þjóðlegasti matur fylgi ákveðnum reglum varðandi gæði, framleiðslu og uppruna með því að merkja hann sem slíkan fyrir neytendur, með skammstöfuninni DOP.

DOP stendur fyrir ,,Denominazione di origine protetta“ sem þýðir að varan sé komin frá ákveðnu svæði og unnin/framleidd og pökkuð samkvæmt ströngustu gæðastöðlum.

Við hjá OLIFA erum því mjög stolt af því að geta loksins boðið Íslendingum upp á hágæða ítalska DOP olíu á íslenskri grundu.

Tengdar vörur

Sjá allt
Olifa - Biological mild
Vara uppseld
NOW Mct olía / Vanilla Hazelnut
Vara uppseld
NOW Mct olía / Chocolate moccha
Vara uppseld
NOW Mct olía / Mct oil
Olifa - Puglia bragðmikil
Olifa - Steikingarolía
Vara uppseld
Left Versla áfram
Þín pöntun

Karfan þín er tóm