Samfestingurinn Karkur hefur bara rokið út frá því við kynntum hann fyrst. 

Hann er alveg ótrúlega töffaralegur en um leið kvenlegur. Hálsmálið fer í V og fellur á misvíxl yfir hvort annað. V hálsmálin lengja hálsinn og fara svo mörgum ótrúlega vel. 

Hann er með stuttum ermum en axlirnar fá sérstaklega mikið vægi með brotum sem ýkja. Svo er hann með vösum í hlið og þar sem efnið er frekar gerðarlegt fá bæði axlir og mjaðmir sterkara útlit sem gerir það að verkum að mittið virkar enn minna á móti. "Leikur að andstæðum".

Buxurnar þrengjast jafnt niður án þess þó að vera of þröngar yfir kálfana. Þær eru með góðum sniðsaumum að aftan svo þær liggja sléttar og fallegar yfir rass og mjaðmir. Bakið er með svolítið meiri vídd sem felur allar brjóstahaldalínur og hér að sama skapi er leikið með andstæður og mittið fær meira vægi. 

Karkur er bundinn saman með bandi en hægt er að hafa slaufu að aftan eða lítinn hnút að framan. Mikilvægt er að nota beltisspælana svo að beltið haldist á réttum stað í mittinu. 

Efnið er gerðarlegt og gott með lítilli teygju, hann helst því vel tignarlegur og skarpur "sharp".

Karkur kemur í 3 stærðum XS (hentar ca 36/38-40), S (40-42/44) og M (44-46/48). En einnig er hægt að sérpanta hann í stærð 1 sem er enn minni og þrengri en XS stærðin. (34/36-38)

Við mælum með 30°C þvotti og vinsamlegast forðist þurrkarann þar sem hann fer aldrei vel með flíkurnar.

Efnisblanda: 50% Polyester, 48% Viscose, 2% Elastine

Tengdar vörur

Sjá allt
Þokki- samfestingur blómaáferð svartur
Þokki- samfestingur rifflað flauel
Karkur samfestingur grár
Þokki- samfestingur skærblár
Karkur samfestingur vínrauður dopp.
Karkur samfestingur bládoppóttur
Left Versla áfram
Þín pöntun

Karfan þín er tóm