Vara uppseld

OLIFA var stofnað í byrjun árs 2017 en eigendur fyrirtækisins eru hjónin Emil Hallfreðsson atvinnumaður í knattspyrnu og eiginkona hans Ása Reginsdóttir en þau hafa verið búsett á Ítalíu í liðlega tíu ár. Þau, ásamt Fransesco Allegrini og Paola Sartori eru stofnendur og eigendur OLIFA. Öll deila þau brennandi áhuga á góðum mat og saman hafa þau því eytt ófáum stundum á ítölskum veitingahúsum og notið þeirra hráefna sem Ítalir eru hvað færastir í að framleiða og matreiða.

OLIFA hefur tekist að sameina hin ýmsu hágæða ítölsku hráefni undir einn hatt, sem Íslendingum gefst nú kostur á að njóta, betur en nokkurn tímann áður. Fransesco Allegrini er sonur eins ástsælasta vínbónda Ítalíu, Franco Allegrini og þökk sé fjölskyldufyrirtæki þeirra, Allegrini Winery sem valið var vínhús Ítalíu 2016, fær OLIFA að njóta góðs af þeirra tengslum og umhverfi í matvælaiðnaðinum. Í krafti  þessara tengsla, ástríðu og áhuga fyrir góðum mat hefur okkur hjá OLIFA því tekist að leiða hin ýmsu hágæða ítölsku hráefni saman við hagstætt verð fyrir íslenska neytendur.

Það sést líklega best á því að Regionale jómfrúar olían okkar frá Puglia var valin ein besta olía Ítalíu 2017 og í fyrsta sinn fæst ítölsk DOP jómfrúar olía nú á Íslandi, en DOP er mikilvægur gæðastimpill á ítölskum matvælum.

Ósk okkar er sú að allir Íslendingar fái að njóta þess besta sem Ítalía hefur upp á að bjóða og að hágæða jómfrúar ólífuolía sé ekki munaðarvara sem enginn hefur efni á heldur nauðsynjavara og mikilvægur partur af mataræði Íslendinga.

Við vonum af öllu hjarta að OLIFA standist ykkar kröfur og muni færa ykkur aukin gæði í hina hversdagslegu eldamennsku.

 

BIOLOGICAL

Fyrir þá sem aðhyllast lífrænar vörur þá er ítalska kaldpressaða jómfrúarolían frá OLIFA frábær kostur. Ströngustu reglum hefur verið fylgt eftir í framleiðslu og við merkingu vörunnar.

Olían er eingöngu búin til úr ítölskum ólífum sem eru vandlega kaldpressaðar til að viðhalda eiginleikum þeirra. Olían er fagurgræn með þéttri og silkimjúkri áferð, nokkuð krydduð sem hentar einstaklega vel í alla matargerð t.d heimagert pestó og á ofnbakað eða grillað grænmeti. Til að viðhalda eiginleikum olíunnar og varðveita dýrmæt næringarefni er þó best að bera hana fram hráa og kemur hún fullkomnlega í stað sósu. BIO jómfrúar ólífuolían hentar einstaklega vel með hvítu kjöti og góðu salti, fiski, með pasta, út á ferskt salat, með avókadói, á ofnbakað grænmeti og í grænmetissúpu.

Tengdar vörur

Sjá allt
S&M Uppskriftaspjöld Kristu pakki 1
S&M Uppskriftaspjöld Kristu pakki 3
S&M Uppskriftajólapakkinn nr 7-16 spjöld
S&M Uppskriftaspjöld Kristu pakki 2
S&M Uppskriftaspjöld Kristu pakki 5
S&M Uppskriftaspjöld Kristu pakki 6
Vara uppseld
Left Versla áfram
Þín pöntun

Karfan þín er tóm