Sykur og hveitilaus skúffukaka!

Hún María sys var að deila uppskrift að sykur og hveitilausri skúffuköku á snappinu okkar um daginn sem að var svona líka bara asskoti góð..

Ég ákvað því að deila uppskriftinni hennar hér en hún er upphaflega tekin af blogginu hennar hér.

Snappið okkar hefur soldið verið með þessu þema uppá síðkastið, uppskriftir, matur og át.. en það fylgir jú gjarnan þegar maður fer að huga að línunum. Þá hættir maður allri óhollustu og ekkert annað kemst að en matur!! Merkilegt hvernig þetta virkar..

Við sýnum stundum matinn okkar og hvað við erum að bauka í eldhúsinu svo ykkur er velkomið að fylgjast með vitleysunni í okkur þar "systurogmakar" ;)

Hér er einnig uppskrift að kókómjólk.. svona aukalega ;)

Súkkulaðikaka:

100 g kókoshveiti ( ekki hægt að nota H-Berg)
70 g kakó
1 tsk matarsódi
1/2 tsk lyftiduft
1/4 tsk salt
200 g Via Health sæta með stevíu eða Sukrin Gold sem er mjög gott líka
6 egg
1 tsk vanilludropar
180 g Hellmanns mæjónes

280 ml vatn

Aðferð:

Þeytið egg og sætu saman í 3-5 mín , bætið mæjonesi við og þeytið áfram. Blandið þurrefnum saman í skál, bætið svo vatninu og þurrefnum til skiptis við eggjablönduna.
Smyrjið skúffukökuform og hellið deiginu í. Bakið á 170°C í 35 mín.

Glassúrkrem:
100 g fínmöluð Via Health sæta
50 g smjör eða kókosolía, brædd
1 tsk vanilludropar
2 msk kakó
1 dl rjómi eða möndlumjólk/ má líka nota uppáhellt kaffi
3-4 stevíudropar

Hræra vel saman eða nota töfrasprota, dreifa yfir volga kökuna og strá kókosmjöli yfir rétt áður en glassúrinn storknar

Súkkulaðimjólk:

1 tsk fínmöluð Via Health sæta
1 tsk kakó
2-3 msk rjómi, má nota laktósafrían
1 tsk súkkulaðisýróp Torani eða 6 dropar súkkulaðistevía
hálft glas klaki

vatn upp að brún

Aðferð:

Blandið kakói og sætu saman við rjómann og hrærið vel ( best að gera þetta all í blandara en ef hann er ekki til þá bara nota skeiðina) setjið svo klaka í glasið og vatn upp að brún, hrærið vel þar til kakóið er farið að leysast upp og svo bara svolgra þessu í sig.

Sköpum okkar eigin hamingju og verum góð við hvort annað kæru vinir!

Ef þér líkaði þessi póstur væri dásamlegt ef þú vilt vera yndi og deila!

Katla – Systur & Makar –

Hægt er að fylgja okkur á InstagramFacebookPinterest ,Twitter og nú einnig á SNAPCHAT

Einnig bendum við á póstlistann okkar hér.

Veljum íslenska hönnun og íslenska framleiðslu!

Katla Hreidarsdottir

Skildu eftir skilaboð

Left Versla áfram
Þín pöntun

Karfan þín er tóm