Þegar maður byrjar þá er ekki hægt að stoppa sig af. Nú henti ég líka í skúffuköku því allt í einu kom einhver craving í slíkt :) Ég ætla að leyfa uppskriftinni að fljóta hér inn en hún mun eflaust fara í næsta uppskriftapakka.

Skúffukaka:

1 msk skyndikaffi
100 g kókoshveiti, mæli eindregið með Funksjonell
70 g kakó, Herseys eða Nóa
1 tsk vínsteinslyftiduft
1 tsk matarsódi
80 g sukrin gold
80 g Good good sæta
160 g Hellmans mæjones
250 ml vatn
6 egg
1 tsk vanilludropar
1/4 tsk salt

Blanda sætu og eggjum saman, síðan mæjó og að lokum restinni af uppskrift. Kakóið fer síðast út í og síðan er öllu blandað vel saman. Bakað í 170°hita í um það bil 30 mín. Munið að smyrja kökuformið vel að innan með smjöri. Leyfið kökunni að kólna alveg áður en kreminu er smurt á.

Smjörkrem:

230 g smjör við stofuhita
2 msk rjómi
1 msk skyndikaffiduft, má sleppa
80 g sæta, fínmöluð
2 msk kakó

Þeytið vel smjörið og rjómann saman, passið að smjör sé alveg orðið mjúkt áður en þið byrjið. Smyrjið að lokum kreminu á skúffukökuna og stráið kókosmjöli yfir ef þið viljið.

Og ef þið viljið fá ykkur ískalda súkkulaðimjólk með þá er uppskrift hér:

Súkkulaðimjólk:

1 tsk fínmöluð Good good sæta
1 tsk kakó
2-3 msk rjómi, má nota laktósafrían
1 tsk sýróp t.d. Good good
hálft glas klaki
vatn upp að brún

Aðferð:
Blandið kakói og sætu saman við rjómann og hrærið vel
( best að gera þetta all í blandara en ef hann er ekki til þá bara nota skeiðina)
setjið svo klaka í glasið og vatn upp að brún, hrærið vel þar til kakóið er farið að leysast upp og svo bara svolgra þessu í sig.

Sköpum okkar eigin hamingju og verum góð við hvort annað kæru vinir!

María Krista – Systur & Makar –

Ef þér líkaði þessi póstur væri dásamlegt ef þú vilt vera yndi og deila!

Hægt er að fylgja okkur á Instagram, Facebook, Pinterest og Twitter

Einnig bendum við á póstlistann okkar hér.

SNAPPIÐ OKKAR ER: systurogmakar

Veljum íslenska hönnun og íslenska framleiðslu!