Skítur Skeður- fyrsti partur

Árið 2006 héldu tvær galvaskar til Barcelona á leið í 3. ára innanhúshönnunarnám úr Hafnarfirði. Þær þekktust lítillega í gegnum sameiginlega vinkonu en voru í raun ekki á leiðinni út saman.. heldur bara vildi svo skemmtilega til.

Við komum úr sitthvorri áttinni, ég var með bakrunn af textílbrautinni í Fjölbraut í Garðabæ og diplómanámi frá Danmörku meðan Edda var búin með Verslunarskólann og hönnunarnám í Iðnskólanum.

Eins og er oft vill verða þá rotta Íslendingarnir sig saman svona á erlendri grundu og sama mátti segja um okkur stöllurnar sem pössuðum saman eins og flís við rass.

Við náðum ótrúlega vel saman bæði í náminu sem og utan þess og áður en leið á löngu vorum við komnar með íbúð á leigu saman sem við gerðum að okkar heimili það sem eftir lifði náms.

Það var þó þarna í byrjun sem að við bjuggum á sitthvorum staðnum og hittumst reglulega á "Chatelet, dásamlegum bar þarna mitt á milli heimilanna okkar. Þar áttu til að gerast ansi magnaðir hlutir en þar var td. alltaf tilboð á jarðaberja Daquiri sem frysti alla heilastarfsemi æstra íslenskra meyja (okkar, ávallt) og það var kannski einmitt þessvegna, vegna takmarkaðrar heilastarfsemi, sem að hugmyndinn að "bókinni" virtist hin besta ákvörðun.

Úr varð, við ákváðum að eyða þeim örfáu krónum sem við höfðum utan skólagjalds og uppihalds úr Lánasjóði íslenskra námsmanna í frekari fjárfestingar á jarðaberja Daquiri's á "Chatelet" og gefa fjölskyldunni bara heimagerðar jólagjafir, í þetta skiptið í formi "bókar"! 

Þið sjáið það sjálf: þetta var frábær hugmynd, sem þýddi það náttúrulega að heimsóknir okkar á "Chatelet" urðu að vera ansi reglulegar til að halda skrifunum við.

Ég veit að Edda kálar mér líklega þar sem þessi "bók" átti ekki að fá lestur annarra en nokkurra vel valinna fórnarlamba... en ég held að þar sem tíminn hefur nú liðið svolítið, Edda er orðin virt 3. barna móðir með eigið einbýlishús í smíðum og ég enn nákvæmlega jafn biluð og á tímum mínum í Barce að "só what"...

Hún er nákvæmlega jafn illa skrifuð og hún var upphaflega enda hefur ekkert verið leiðrétt.. afhverju ætti ég að gera það, þetta er meistaraverk!

Þetta hefst á formála, persónukynningum og svo fyrsta kafla.. nú ef þið viljið meira þá skal ég birta meir.. ef ekki þá bara skil ég það ósköp vel, en allavega, "here goes" og Edda mín: sorry!

Frá okkur til þín..

Þar sem þú hefur fengið heiðurinn af því að fá þessa bók að gjöf, bók sem samin var í eftirköstum nokkurra djamma og óþægilega stuttu fyrir afhendingu gjafar, bók í mjög tak-mörkuðu upplagi, bók sem þú mátt prísa þig sælan um að hafa fengið.

...(Öll svona orðatiltæki erum við ennþá að læra, enda fyrsta bókarútgáfan, þú skilur..).

Við erum semsagt tvær ungar túttur í námi hérna í Barcelona, báðar ljóshærðar, svo hér föllum við undir flokkinn “megatúttur”, allavega á milli lærigeðveikinnar fengum við þessa hugmynd um að skrifa út frá okkar reynslu sem og ímyndaðri. Sagan gerist hérna í Barcelona, og segir frá hópi skrautlegra Íslendinga sem eru hérna öll á mismunandi forsendum. Við teljum lífið hérna vera þess virði að skrifa um og deila því með þér.

Þú þekkir kannski nokkur atvikin sem eftir fara, þú getur kannski séð sjálfan þig í þeim, eða kannski hefur þú í raun verið kveikjan. Þú mátt trúa hverju sem þú vilt, þú mátt trúa að allt sé satt, eða allt sé uppspuni. Þú mátt halda hvað sem þú vilt og haltu áfram að vera þú, hver veit nema framhald komi að ári. 

Valið er þitt, góða skemmtun!

Með kveðju

Höfundar.

Persónulýsingar

Aþena:

Er 22ggja ára snót, hún er gaflari í húð og hár og rambar.

(Ramba = Fyrir óvana Hafnarfjarðarrólóstundendur, þá þýðir að “ramba” að “vega salt” á góðri hafnfirsku.)

 Foreldrar hennar skildu þegar Aþena var 10. Pabbi hennar tók séns með Björgólfi og keypti hluta í Magazin, hann er því mikið í Danmörku, og snakker rigtig god dansk, meðan múttan sem er gamall hippi, bitrast heima yfir ofháum sköttum og á erfitt með að ná endum saman enda á móti of mikilli vinnu, hún reykir stundum gras með gömlum hippavinkonum með Joplin í græjunum. Aþena á tvö systkini, eina eldri systur Maríkó, fráskilin 2ggja barna móðir og einn yngri bróðir, Gabríel, framhalds-skólahönk í Versló. Aþena kom hingað til Barce til að læra ljósmyndun og stefnir á master í grafískri. Hún er með aflitað hár og kann voða vel á mascarann, sæt og grannvaxin en með nokkur fokking kíló sem hún getur ómögulega losað sig við.

 

Hlín:

Er líka 22ggja, hún er úr borg óttans, vegur salt, en rambar ekki. 

(Rambar ekki = Hún er úr Reykjavíkinni, þar af leiðandi kann hún ekki að “ramba”, en vegar í staðinn salt.)

Foreldrar hennar eru ennþá hamingjusamlega gift eftir 20 ár. Hlín á tvíburabróðir sem heitir Alex, algjört hottie úr HÍ. Hlín hefur unnið við rassaskeiningar í sumarvinnu á Hrafnistu í Reykjavík síðastliðin 4 ár, er mjög umhyggjusöm og vill því öllum hjálpa. Hlín er hérna í fatahönnunarnámi í IED.

(IED = Skammstöfun á Instituto Europea di Design, skólinn okkar höfunda.)

 

Tryggvi:

Er rauðhærður og með dash af freknum, á soldið erfitt með að vera mikið í sólinni, ironic að búa á Spáni en hann höndlar það alveg ótrúlega. Greyið er óheppið að vissu leyti með útlit en öll skemmtilegheitin vega upp á móti og hann vinnur ótrúlega á. Hann er að læra sona rannsóknarlögreglueitthvað, æj þúst sona C.S.I. gaur. Honum finnst ekkert betra en að fá sér örlítið í stóru tánna, á stundum erfitt með að stoppa og skandalarnir fylgja honum ófáir. Þetta er gaurinn sem veit hina fáranlegustu hluti sem enginn ætti í rauninni að vita, dæmi: endursöluverð á flöskum í Portúgal. *blikk*.

 

Davíð:

A.k.a. Dabbi er beyond fallegur og algjör player, er ljóshærður með blá augu og hann fellur einnig undir flokkinn megatútta. Talar spænskuna fluently sökum dvalar skiptinema á heimili hans forðum daga. Hann er starfsmaður hjá Fedex og á pakkaleiðum sínum á hann það til að hitta hið furðulegasta fólk. Hann er hálfkláraður stúdent úr Kvennó sem hann stefnir á að klára hér í  fjarnámi.

 

Vignir:

Fleiming (Fleiming = Flaming gay = samkynhneigður ), grannur, hávaxinn og dökkhærður. Kann á glossið og notar það ósparlega. Er í essinu sínu hérna í Barcelona, með hinum börnum regnbogans. Hann er í bekk með Hlín í fatahönnuninni. Merkjafrík og með "thing" fyrir aukahlutum.

 

Þórhildur Lára:

Er æskuvinkona Vignis og elti hann hingað út. Hún er í fjarnámi í sálfræði í HÍ og á það því stundum til að sálgreina gesti og gangandi. Á í stöðugum bardaga við aukakílóin og mætti alveg missa svona tuttugu og stefnir yfirleitt í megrun á mánudaginn. Hún þekkir allt í sambandi við mataræði og veit innihaldslýsingar á flestum matvörum, hún hefur bara tekið þá ákvörðum að hlusta ekki á þetta. Hún er líka svolítið hot fyrir blökkumönnum, gargigarg.

 

Reistu þig við kona

MSN samtal

Aþena says:

      hæhæ, ert þú ekki að fara til Barce, ég fékk mailið hjá þér hjá Söru, frétti af þér?

Hlín says:

      júbb...það passar....þú líka?

Aþena says:

      já, ég er að fara í ljósmyndun, spenningur dauðans í gangi hérna megin

Hlín says:

      já..shit, er líka orðin geggjað spennt, hlakka til að sjá skólann....er að fara í fatahönnun í IED

Aþena says:

      ókeii þetta verður kúl held ég, maður fær vonandi heilsársbrúnkuna

Aþena says:

      hehehe

Hlín says:

      hehe

Hlín says:

      nákv.

Hlín says:

      verðum eins og súkkulaðibombur allan tímann

Hlín says:

      ekki leiðinlegt

Aþena says:

      jáds, þvílíkar túttur í kringum alla Spánverjana LOL!

Hlín says:

      jiiii..segðu

 

Aþena says:

      hey ertu busy í aften?

Hlín says:

      nei...hvað varstu að spá?

Hlín says:

      hittast?

Aþena says:

      já, á Vegó kannski?

Hlín says:

      já....líst ógeðslega vel á það

Hlín says:

      getum dottið í það sona einu sinni áður en við förum

Aþena says:

      komast alvarlega í barcelonafílinginn þúst

Aþena says:

      hehe akkurat

Hlín says:

      nákv

Aþena says:

      hérna er símanr mitt xxxxxxxx

Hlín says:

      ég er pottþétt geim....okey...hvernig líst þér á sona 9

Aþena says:

      snilld, bara total brilli

Aþena says:

      ég ætla að halda aðeins áfram að vinna hérna, "bossinn" eitthvað að tjá sig hehe

Hlín says:

      snilld....verð líka að drífa mig...þarf eitthvað að hendast útí búð og sona..kl. 9 í kvöld.....ef ég finn þig ekki hringi ég bara

 

Hlín says:

      hlakka til

Aþena says:

      æði, sama hér

Hlín says:

      sé þig í kvöld....og að sjálfsögðu í brjáluðum fíling

Aþena says:

      hvernig spyrðu, hahaha, sjáumst í kvöld skvís

Hlín says:

      hehe

Hlín says:

      okei

Hlín says:

      bæjó

 

*Kræst á ég að vera í svörtu hælunum eða hvítu, fokk, upp með hárið eða niður, ahh shit, ég gleymdi pilsinu hjá Signý, dísús ég ætti að fara á námskeið í skipulagningu*

(*…* = Táknar hugsanir persónu.)

Rrriiiiing!

- “Hæ Hlín, já ég er að koma, smá útlitsákvarðanacrisis hérna... jii já ég veit, haha díí ertu geðveik?, já gemmér hálftíma og við sjáumst á Vegó... já ég redda sígó, brilli, bæ beib”.

Taxinn beið fyrir utan og ég stökk af stað. Hvítu hælarnir fengu heiðurinn og hárið niður, fokkit með pilsið, það eru buxur í kvöld. Ég gekk inn á Vegó, pakkað eins og venjulega. Hlín beið við barinn, komin með glas í hönd, að sjálfsögðu, brosti til mín og veifaði, eitthvað sagði mér að við yrðum góðar saman.

Ég er að ganga í áttina til hennar, og sé þennan líka brjálaða gæja sitja á borði við hliðina á okkar. *Ó mæ god, vertu kúl Aþena, haltu bara kúlinu*! Horfi niður eitt augnablik og finnst ég sjá allt í slówmó ég lít hægt upp og horfi á skelfingar svipinn birtast rólega á Hlín, hún stendur upp og ég sé hana nálgast mig hraðar, fóturinn fastur, bíddu ertu að grínast, ég dett í fangið á Hlín og hún rétt nær að grípa mig. “Hva, er ekki allt í keyinu með þig elskan?”. Ég hafði flækt hvítu hælana í stólfót og dottið svona líka glæsilega fram fyrir mig. Staðurinn var það fullur að sem betur fer tóku ekki svo margir eftir þessu, sæti gaurinn glotti samt aulalega til mín. *Djöf, byrjar vel Aþena.*

Við Hlín fengum okkur sæti, og ég reyndi að ná sjálfsvirðingunni aftur, þú ert ágæt, hugsa ég, laga hárið og sletti á mig smá meiri gloss.

 

- Jæja hvað segirðu, Barcelona beibí?!

- Já eigum við að ræða þetta, snilld sko, ekkert smá stutt líka þangað til við förum, bara 2      mánuðir, finnst eitthvað svo stutt síðan ég fékk svarið frá ljósmyndaskólanum.

- Ég veit, ég er ekki einu sinni komin með íbúð ennþá, ertu komin með einhvern stað?

- Nei, ég ætlaði einmitt að tala um þetta við þig, ég er búin að vera að skoða þetta á netinu, það er svo dýrt að leigja ein finnst mér, var svona að hugsa bara...

- Guð ertu að grínast, já það væri æði, við erum alveg ment to be skilurðu!

- Í alvöru, ohh crazyness, skál fyrir því esskan!

-Skál!

Sæti gaurinn var búinn vera að fylgjast með borðinu okkar síðan ég náði að laga mig. Hann var spjallandi við vini sína, en færði sig eitthvað aðeins frá þeim samt. Dökkhærður, soldið brúnn, í svörtum leðurjakka og gallabuxum, svakalega sætur og ég var búin að ákveða það í huganum að hann væri með persónuleika á við Móður Theresu, fallegur að innan sem að utan. Vangaveltur og slúður við Hlín um hvað mér fannst hann eitthvað sætur, hún var auðvitað hjartanlega sammála og við fórum að ímynda okkur að hann gæfi 5% launa sinna til góðgerðamála og önnur 10% í sjóð sem hann safnaði fyrir verðandi konu sína fyrir hennar eyðslu í töskur og skó. Ohh þetta var eitthvað svo ment to be. Ég er ekki fyrr búin að sleppa orðinu “be” en vinur hans kemur inn, oj þú ert að djóka. Andri, fyrrverandi one night stand sem ég hef sagt sögur af á djamminu, við mikinn hlátur aðstandenda.

Málið var það að ég hitti hann í eyjum fyrir ca 4 árum. Þetta var fyrsta skiptið mitt á þjóðhátíð og ég var búin að ákveða það að finna draumaprinsinn þessa helgi. Áfengið var ekki af skornum skammti og ég skemmti mér vel, en enginn draumaprins sjáanlegur, aðeins gamlir bekkjarfélagar frá grunnskóla, sem jú btw voru að játa ást sína á mér frá 6-10 ára bekk. Jesús, hversu glötuð var ég, allavega, ég fór með bekkjabílnum heim til skyldmenna vinkonu minnar sem ég gisti hjá, og þar var hann, (að ég hélt), draumaprinsinn! Sat á móti mér, hálfeinmana-legur og sakleysislegur, með nokkur millíbör í blóðinu, svart blautt hárið fram á enni og rjóður í kinnum. Hann var í neonappelsínugulum regngalla með sjóhatt bundinn um hálsinn, blikkandi til mín tekur hann upp penna og án þess að segja neitt tekur hann í hendina á mér og skrifar símanúmerið á handabakið. Á þessum tíma fannst mér þetta virkilega töff múf og því næst stekkur hann úr bílnum, brosandi til mín bræðandi brosi sem fengi hvaða hálffullu/þunnu hátíðarmey til að kikna í hnjánum.

Allan ágústmánuð áttu sér stað sms sendingar fram og til baka, æsandi og rómantískar í senn. Hann var að vinna úti á landi og var ekki væntanlegur í bæinn fyrr en í byrjun sept, þar sem stefnan var sett á deit aldarinnar. Við hittumst og ég var ótrúlega slök á því, öfugt við það sem ég er venjulega. Byrjað var á brennandi heitum kaffibolla sem fékk tungur til að funa, og í framhaldinu bíóferð. Svona ekta íslenskt deit, sitjandi nálægt hinum aðilanum en óþarft að tala. Þetta var svo næs og mér hitnaði í maganum, því ótrúlegt en satt var hann næstum því alveg jafn sætur og þegar ég sá hann fyrst. Bourne Identity var ágæt, Matt Damon er líka sætur.

Í miðjum skotbardaga finn ég hann strjúka upp hendina á mér en stoppar svo. Ég trúði því ekki sem var að gerast, hann hafði fundið bólu eða sár eða eitthvað annað ómerkilegt og var farinn að kroppa! Ég tek laust í hendina á honum og færi hana frá í von um að áhuginn myndi hverfa, en það entist ekki lengi því fyrr en varir var hann farinn að kroppa meira og virkilega búinn að missa áhugann á myndinni og sinnti mér og minni bólu eingöngu! Jesús, þar sem ég hafði ekki lent í þessari stöðu áður, vissi ég sossum ekki hvað ég ætti að gera en tók bara í hendina á honum, og hélt henni og brosti til hans eins fallegu brosi sem undir niðri sagði: “hættu þessu nú vinur, áður en þú klúðrar öllum séns með mér”. Hann fattaði undirtón brosins sem betur fer og fór aftur að horfa á myndina.

Svarta hárið var örlítið ofhlaðið geli sem hafði þetta, þú veist, “wet lúkk en samt er það hart og þurrt”, og minn ákveður að gerast eitthvað kósý og reynir að leggjast á öxlina á mér. Þar sem hann var aðeins stærri og axlabreiðari en ég þá sat hann hálfskakkur í sætinu, með hárið í eyrunum þannig að ég heyrði ekki meira í Matt Damon fyrir skrjáfi í “wet lúkkandi hárinu sem var samt hart og þurrt”. Fjúff, myndin kláraðist og á leiðinni heim vildi hann endilega sýna mér íbúðina sem hann og vinir hans voru að fara að flytja í.

Vopnaður lyklinum tékkuðum við á slotinu og hann tók mig túr um íbúðina. Staðnæmdumst svo í tilvonandi herberginu hans, og upp úr engu heyri ég hann lýsa því að þar sem hann þurfi nú ekki mikið skápapláss en skáparnir samt svo stórir eins og þeir í raun voru, þá ætti ég nú alveg að geta komið mínu dóti fyrir. Já já, minn var búinn að plana þetta allt saman, og réðst svo á mig, og það er ósanngjarnt gagnvart öðrum að kalla þetta koss sem átti sér stað, heldur bókstaflega “slefsturtu”, ég flúði!

Hlín sá mig í þungum þönkum farna að hálfpartinn urra að Andra, ,,dísús Aþena hvað er málið”. Ég sagði henni alla sólarsöguna og auðvitað sprakk hún úr hlátri, verð að viðurkenna að þetta er nú samt alveg atriði til að hlæja að. En í augnablikinu var þetta svo einhvernveginn ekki að gera sig, hann var vinur herra fallega og djöf hann var að sjá mig...

 

- “Hæ hæ Aþena, long time long time ha”!

- “Hmm já einmitt, hæ Andri” (aulaglott og aulahrollur)

- “Hva, hvað er að frétta af þér annars, ég hef ekki heyrt í þér síðan þarna um kvöldið..” (hálfreiður á svipinn horfði hann á mig).

- *Fokk* “já ég veit, hmmm hey þetta er vinkona mín Hlín, við erum að flytja til Barcelona eftir 2 mánuði”. (Og hættu nú yfirheyringunum slefsturtus).

- “Hæ hæ Hlín, vá Barcelona, spennandi”! (kom með svona “eins og mér sé ekki skítsama” glott).

- “Hæ hæ, já Barcelona, ekkert smá spennó, hey Andri segðu mér, hver er vinur þinn þarna”. (Hlín benti á herra fallegan og ég reyndi að vera ógó kúl og sveiflaði hárinu og setti smá stút á munninn, sannleika sagt hef ég örugglega litið út eins og Strútur á fengitíma, glötuð).

- “Hmm þetta er Baltasar, kallaður Balti. (vissi það, herra Balti bjútífúl dömur mínar og herrar, er ég búin að finna herra fullkominn?!). 

 

Strákarnir settust hjá okkur og pöntuðu nýja drykki. Þetta hefði verið svo fullkomið ef Andri hefði ekki endilega þurft að vera þarna, því þrátt fyrir það að ég flúði þarna í den, fannst mér hann sýna mér óþarflega mikinn áhuga og settist hjá mér og sagði Balta bjútí að setjast hjá Hlín, enda hélt hann að það væri hún sem hefði áhugann. Djöfuls djöfull, Balti hélt það auðvitað líka og fannst ég og Andri eitthvað eiga að vera saman, kannski ekki “herra réttur” ef hann getur ekki lesið “bjargaðu mér út örmum þessa fífls og kysstu mig djúpum kossi og segðu mér frá öllum peningunum sem þú ert búinn að safna fyrir mig, í töskur og skó”- svipinn sem ég var á fullu að gefa honum! Ég fann eitthvað strjúka mig um bakið sem færði sig hratt niður að rassi, já nei vinur, það fer ekkert slef þangað líka sko! Neyðarfundur með Hlín á lettinu, ég gaf henni svipinn og hún kinkaði kolli, stóð upp og elti mig.

Við ákváðum það að vera bara kúl með þetta, hún var ekkert skotin enda eiginlega að kveðja einhvern hálfpartinn kæró, áður en hún færi út. Ég átti bara að dissa Andra og sýna Baltasar meiri athygli, sleifla hárinu aðeins meira, bæta á glossinn og setja meiri stút á munninn, nú átti að nota allar aðferðirnar. Þegar við komum aftur að borðinu þá sáum við að þeir voru í djúpum umræðum sem hættu um leið og við komum, karlmenn! I wonder um hvað það hafi nú eiginlega verið!

Andri fékk þá fáranlegu hugmynd að leggja hendina utan um mig, ég var í miðri hársveiflu með stút á munninn að bæta á glossið og þetta endaði auðvitað með því að hann náði að klessa hárið svo það festist allt í glossinu og ég leit út eins og apamaður, hárug á framan! *Jesús, give me a break skilurðu, ég er að reyna að vera svakaleg tútta hérna*! Hlín gat ekki annað en hlegið þegar hún sá mig eins og fífl, reynandi að taka hárin frá, jú það er satt þetta var ansi skondið. Pöntuðum okkur Tópasskot og svo hentum við Hlín okkur á dansgólfið. Nú var planið að heilla með rassasveiflum og upp með hendur töktum, í bland við kynferðislega æsandi augngot.

Viti menn, ég held ég sé ekki svo glötuð eftir allt, Balti gekk að mér út á gólf og tók laust í hendina og hvíslaði, “hittu mig fyrir framan eftir 10”. Hjartað tók stopp í brot úr sek og ég leitaði að Hlín, hún hafði fundið einhverjar vinkonur og ég gaf henni “hringi í þig” hreyfinguna, hún brosti bara og veifaði og fór að montast um Barce, skiljanlega!

Þegar út var komið með jakkann og hálfþornað glossið sá ég Balta bíða handan við hornið, hmm svo það er svona sem hann vill leika, á ég að elta hann?! Ég reyndi að vera eins kúl og ég gat, rótaði eitthvað aðeins í töskunni eins og ég væri með mun mikilvægari plön en að elta herra fullkominn, vinsæla opnaði símann og þóttist vera að skoða öll sms-in sem höfðu borist, svo reisti ég mig við og gekk yfir götuna til hans sveiflandi mjöðmunum frá einni hliðinni til annarrar eins ótrúlega girnileg og ég gat verið. Klikkið í hælunum magnaðist og bergmálaði um götuna, mér fannst þetta gerast í slówmó, ég leit til hliðar og horfði svo beint í augun á honum það sem eftir var leiðar.

Þetta hefði verið góð byrjun í Tarantino kvikmynd, hann horfði á mig frá hvítu stígvélunum og upp. Ég var komin alveg að honum og segi djúpri æsandi röddu “hvað get ég gert fyrir þig segirðu?”.

 

- “Hey sæta, ég var að hugsa bara, hvað er málið með Hlín segirðu, ég meina er hún á föstu eða eitthvað svolleiðis?”

 

Ojjj ég missti andlitið, afhverju er þetta alltaf svona, ég leit við og sá Andra hálfasnalegan horfa á okkur og Balti vinkaði bara og beið svo eftir svari frá mér. Ég hélt ég myndi æla, þetta var líf mitt í hnotskurn, ég ákvað að ganga bara í burtu, reyndi að halda sjálfsvirðingunni og kúlinu, sló hárinu til og stökk upp í næsta leigubíl.

 

Sköpum okkar eigin hamingju og verum góð við hvort annað kæru vinir!

Katla  – Systur & Makar –

Ef þér líkaði þessi póstur væri dásamlegt ef þú vilt vera yndi og deila!

Hægt er að fylgja okkur á InstagramFacebookPinterest og Snapchat

Einnig bendum við á póstlistann okkar hér.

SNAPPIÐ OKKAR ER: systurogmakar

Veljum íslenska hönnun og íslenska framleiðslu!

Katla Hreidarsdottir

Skilaboð

Katla Hreidarsdottir

BnGavXOx

Katla Hreidarsdottir

VmrbHOFDosUB

Katla Hreidarsdottir

ERIKXBQqfHber

Katla Hreidarsdottir

qKWnotDXHgl

Katla Hreidarsdottir

ksQAgndeYOLbzGj

Skildu eftir skilaboð

Left Versla áfram
Þín pöntun

Karfan þín er tóm