Skandinavískir kransar

Ahh, það eru svo dásamlega fallegir gluggarnir hjá Snúrunni í ár. Snúran var nágrannaverslunin okkar í Síðumúlanum en flutti sig svo í Ármúlann og hún Svava Halldórs, fyrrum skólasystir mín sá um að græja jólagluggana þeirra.

Við Svava vorum saman í Fjölbraut í Garðabæ og hún fór síðan í fatahönnun og ég í innanhús og búðarhönnun, svo má því eiginlega segja að við höfum skipt verkum. Ég vinn núna í tískubransanum og hún er að gera glæsilega hluti í búðarhönnun, gluggaútstillingum og innanhúshönnun, ferlega gaman að því!

Ég mæli með því að heyra í henni ef ykkur vantar svona séní með gott auga og má einfaldlega hafa samband við hana hér: svavahalldors@gmail.com

En að gluggunum hjá Snúrunni, þeir eru með eindæmum fallegir og rak ég þá sérstaklega augun í afskaplega snotra kransa. Ferlega léttir og sætir og svona skandinavískir svo ég fór að synda í sundlaug fallegra hugmynda: "Pinterest" og fann nokkra fallega, "hoop wreaths" eins og þeir víst kallast.

Skandinavískir og rómantískir!

Mér finnst þeir svo ferlega smart og eins og hér má sjá á fleiri myndum þá eru þeir alls ekkert endilega "bara" jóla, heldur gætu þeir sómað sér vel allt árið!

Hún Svava notaði tengslin og lét beygja fyrir sig steypustyrktarjárn sem pabbi hennar sauð svo saman fyrir hana, en fyrir klóka væri þetta möguleiki. Ef þið aftur finnið stað sem selur fallega hringi sem gætu hentað megið þið endilega deila með okkur gleðinni!

Ef þið smellið hér á myndina fyrir neðan má sjá leiðbeiningar með þessum!

Hér má svo sjá nokkra í viðbót sem eru einnig dásamlegir!

Hægt er að smella á allar myndir til að sjá viðkomandi linka.

Mér finnst reyndar kransarnir hennar Svövu alveg sérstaklega vel heppnaðir, en vonandi veitir þetta einhverjum innblástur til að skreyta heimilin sín!

Takk Svava, fyrir allar upplýsingarnar!

Ef þér líkaði þessi póstur væri dásamlegt ef þú vilt vera yndi og deila :)

Verið góð við hvort annað kæru vinir!

Sköpum okkar eigin hamingju, kveðja Katla.

- Systur & Makar –

Hægt er að fylgjast með okkur á Instagram, Facebook, Pinterest og Twitter

Skráið ykkur endilega einnig á póstlistann okkar hér fyrir ofan til hægri

Veljum íslenska hönnun og íslenska framleiðslu!

Katla Hreidarsdottir

Skildu eftir skilaboð

Left Versla áfram
Þín pöntun

Karfan þín er tóm