Mr Kate: innanhúshönnunarþættir á Youtube!!

Við systur gjörsamlega elskum hönnunarþætti og sérstaklega þá sem hafa með "fyrir og eftir" að gera í tengslum við heimilin. Fixer Upper hefur ávallt verið í sérstöku uppáhaldi enda frábært "vibe" í gangi hjá þeim hjónum og stíllinn oft mjög í okkar anda. Grand Designs er annar sem er klassík og kemur oft með mjög flottar og skemmtilegar hugmyndir. The Block Australia, bara snilld með svona keppnis "reality TV" ívafi (hentar mér, Kötlu, Survivor aðdáanda mjög svo vel").

Nú okkur þykir það sko ekki leiðinlegt þegar við rekumst svo á eitthvað nýtt en Mr. Kate eru þættir sem að María fann óvænt við það að flakka um töfraheim Apple TV! 

Mr. Kate byrjaði sem einfalt blogg árið 2011 með það að markmiði að fagna lífinu á mjög svo skapandi og líflegan hátt í gegnum linsuna. Vörumerkið eða "Brandið" samanstendur af ungum hjónum sem heita Kate Albrecht og Joey Zehr. 

Because Why Not?!

Þau reyndar eru alveg gubb fullkomin, nokkrum númerum of krúttleg og dugleg og klár og svona líka hugmyndarík og nett geggjuð. Þeirra viðmót er "afhverju ekki" (Because Why Not?) en þau eru sérstaklega opin fyrir mjög svo fjölbreyttum og skemmtilegum hugmyndum. Sumt alveg út úr öllu normi, en þá má sossum spyrja sig.. "hvað er norm"?!

Dugnaðarforkar sem að byrjuðu smátt og eru nú komin með yfir milljón fylgjendur á Youtube og reka stóra netverslun, blogg og heimasíðu.

https://shop.mrkate.com/

Vinsælustu videoin þeirra eru "OMG we bought a house" en það er akkurat það sem þau gerðu í LA. Keyptu hús og eru búin að vera að gera það upp í þónokkurn tíma og sýna frá öllum breytingum á hverju herbergi fyrir sig. Stíllinn þeirra þar er sérstaklega fallegur!

Þau fara einnig í heimsóknir til vinsælla Youtube stjarna og taka herbergin þeirra í gegn, alveg brilliant leið til að markaðssetja sína eigin Youtube rás auðvitað.

Sem og þau taka í gegn herbergi fyrir mjög lítinn pening, "budget designs".

Við mælum náttúrulega með því að skoða rásina þeirra á youtube og ef þið eruð td með Apple TV er auðvelt að sækja Youtube appið og horfa beint í gegnum sjónvarpið og Voila! fullt fullt af skemmtilegum innanhúshönnunarþáttum sem kosta ekki krónu!

Jú stíllinn er eðlilega svolítið "amerískari" en okkar skandinavíski, en það kemur ekki að sök og í hverjum þætti er bara alveg hellingur af sniðugum lausnum og hugmyndum!

Linkur á youtube stöðina þeirra:

Kate gerir einnig þætti um fegurð, förðun, stílinn sinn ofl. (Hvað eru eiginlega margar klukkustundir í sólarhringnum þarna í Los Angeles?!!)

SVO reka þau verslun!

Þar má finna skartgripi, plaköt og alveg brjálæðislega krúttlegar glimmer freknur! Nei hættu, ég verð að fá mér svona!!

Fylgist endilega með þessum sniðugu og duglegu hjónum!

Ef þér líkaði þessi póstur væri dásamlegt ef þú vilt vera yndi og deila :)

Verið góð við hvort annað kæru vinir!

Sköpum okkar eigin hamingju, kveðja Katla.

- Systur & Makar –

Hægt er að fylgjast með okkur á Instagram, Facebook, Pinterest og á Snapchat auðvitað!

Skráið ykkur endilega einnig á póstlistann okkar hér fyrir ofan til hægri

Veljum íslenska hönnun og íslenska framleiðslu!

Katla Hreidarsdottir

Skildu eftir skilaboð

Left Versla áfram
Þín pöntun

Karfan þín er tóm