Kvartlaus áskorun - taktu þátt!!

Við systur fórum á smá fund í gær í sambandi við ansi skemmtilegt hugtak sem er glænýtt hér á landi!

Þetta snýst um það að minnka kvart og neikvæða hugsun!

Ég held að við systur séum ansi jákvæðar svona almennt en jeminn við getum sko alveg nöldrað. Kvartað yfir veðri, seinagangi, túrverkjum, erfiðum kúnnum fjölskyldu, okkur sjálfum, hvor annarri og þið vitið.. bara svona allskonar óþarfa drasli! Ég held líka að maður geri því miður mun meira af þessu en maður gerir sér grein fyrir!

Það var því ótrúlega gaman að fá fund við forsprakka kvartlaus.is þar sem okkur var boðið að taka þátt í þessu verkefni og breiða út boðskapinn.

Ég er neflinlega nokkuð viss um það að það sé einfaldlega staðreynd að maður laðar að sér svipaða orku og maður gefur frá sér! Nei í alvöru.. hafið þið ekki lent í því að vera neikvæð fyrir einhverju og einhvernveginn allt gengur á afturfótunum?! Svo kannski prufað að taka "secret" hugsunina á lífið og hugsa "þetta gengur allt upp" og vera alveg brjálæðislega jákvæð.. og viti menn.. þá bara allt í einu gengur alveg ótrúlega margt upp og fleiri jákvæðir hlutir fylgja oft í kjölfarið!

Þetta er neflinlega soldið magnað!

Í okkar mjög svo upptekna og skapandi lífi veitir því ekki af að hlutirnir gangi svona nokkuð ljúft fyrir sig. Það má ekki mikið útaf bera til slæmir hlutir hafi áhrif á keðjuna okkar sem við vinnum svo göfuglega við að smyrja og halda sterkri. Þetta verkefni kemur því sem alveg frábær viðbót í tilveruna okkar sem mun vonandi bara hjálpa okkur við að verða að betri manneskjum- almennt!

Hvernig virkar þetta?

Sko! Þetta er áskorun um að kvarta ekki í 21 dag samfleytt.  

Armbandið minnir á áskorunina því auðvelt er að dofna og gleyma sér.

1. Ekki kvarta

2. Ekki setja útá / gagnrýna neikvætt (því það er í rauninni kvörtun)

Þegar maður klikkar þá setur maður armbandið strax á hina hendina og byrjar að telja uppá nýtt. DAGUR 1

Hvað er kvörtun?   Öll neikvæð komment í kvörtunartón. Baktal.

Hvað er ekki kvörtun?   Ef þú kemur erindinu kurteisislega frá þér við manneskjuna sem málið varðar, bara hana. Hvað er ekki baktal?   Þegar þú talar um aðra á jákvæðum nótum og myndir hiklaust segja þetta eins beint við aðilann sem þú talar um.

Það tekur fólk að meðaltali 4-8 mánuði að ná þessum 21 degi samfleytt.   Talað er um nokkur stig í ferlinu og fyrsta stigið er að verða meðvitaður um þegar maður er að kvarta.  Endilega reyndu að fá einhvern til að taka slaginn með þér en forðastu að verða kvart-lögga, þ.e. sífellt að benda öðrum á þegar þeir kvarta. 

Tilgangurinn er að átta sig sjálfur á því hvenær maður kvartar og því algjörlega undir manneskjunni sjálfri komið.

Ekki gefast upp !  Þetta er langhlaup.

Svo er hægt að vera með á Facebook grúbbunni sem heitir Kvartlaus

Til að halda utan um hvernig gengur er hægt að nálgast ókeypis app sem heitir Conplaint Free Lite bæði fyrir Android og iPhone.

Hægt er að versla armböndin hér:

Hér er smá texti frá snillingunum sem að komu með verkefnið til landsins:

Þuríður Hrund Hjartardóttir, alþjóðamarkaðsfræðingur.  Framkvæmdastjóri hjá Icepharma.  

Sólveig Guðmundsdóttir, iðnhönnuður.  Eigandi Culiacan Mexican Grill og sjálfstætt starfandi.

Við höfum verið vinkonur síðan í 9 ára bekk.   Eins og gengur höfum við fengið okkar skerf af áskorunum í lífinu.  Við töldum okkur vera frekar jákvæðar og lausnamiðaðar manneskjur en þegar við settum á okkur armböndin komumst við að sannleikanum.  Okkur grunaði aldrei hversu oft á dag, já jafnvel á klukkutíma við vorum að segja neikvæða hluti.  Kvarta, gagnrýna og bara oft á tíðum hreinlega væla.

Við vorum svo heillaðar af hugarfarsbreytingunni hjá okkur sjálfum að ákveðið var að kaupa slatta af armböndum og leyfa fleirum að taka þátt.  Fljótlega fóru makar okkar, vinir og kunningjar að biðja um bönd fyrir sig.  Tilgangurinn er ekki að græða á þessu heldur að breiða út boðskapinn.

Upphafsmaðurinn af þessari áskorun heitir Will Bowen og er prestur í Kansas, USA.  Hann skoraði á söfnuð sinn að nota armböndin til að minna sig á að kvarta ekki.  Í stuttu máli voru viðbrögðin svo góð að mjög fljótlega fór fólk að biðja um bönd fyrir maka og vini.  Í dag eru yfir 11 milljónir manna í yfir 100 löndum búnir að taka þátt.  Complaint free world er því orðið nokkuð þekkt í heiminum.  Hér er hægt að sjá Will Bowen sjálfan útskýra þetta.

Það væri ótrúlega gaman að sjá fleiri taka þátt í þessu með okkur!

Sköpum okkar eigin hamingju og verum góð við hvort annað kæru vinir!

Katla og María – Systur & Makar –

Ef þér líkaði þessi póstur væri dásamlegt ef þú vilt vera yndi og deila!

Hægt er að fylgja okkur á InstagramFacebookPinterest og Snapchat

Einnig bendum við á póstlistann okkar hér.

SNAPPIÐ OKKAR ER: systurogmakar

Veljum íslenska hönnun og íslenska framleiðslu!

Katla Hreidarsdottir

Skildu eftir skilaboð

Left Versla áfram
Þín pöntun

Karfan þín er tóm