Heilsudagar Systra&Maka og 3 nýjar uppskriftir !!!

Jæja nú er allt á fullu hjá okkur systrum enda brostnir á HEILSUDAGAR í búðinni sem og á heimasíðunni og nú ætlum við að bjóða góðan afslátt á völdum vörum út vikuna.

Á laugardaginn 2.júní verður svo aðaldagurinn þar sem við verðum með kynningar á ótrúlega flottum bætiefnum frá NOW og mun engin önnur en Ásdís Ragna Einarsdóttir grasagúru koma og vera með okkur í að útskýra virkni þeirra fyrir gestum og gangandi en þau henta kvenfólki einstaklega vel. Hún verður á staðnum frá kl 14.00-16.00 ásamt henni Kamillu Ingibergsdóttur sem mun kynna hjartaopnandi kakóið sitt frá Guatemala, en Kamilla heldur úti facebooksíðunni Kakó með Kamillu. Við systur erum á leið til hennar í kakóupplifun nk fimmtudag og getum ekki beðið.

 

Ásdís mun gefa okkur uppskrift af orkukaffi sem hún býr sér til en það kallast "Ketokaffi" eða "Bulletproof" og við systur höfum nú aldeilis lofsungið þann drykk undanfarið.

Hún ætlar að deila með okkur sinni uppskrift en í henni er líka að finna collagen og dásemdar kakóið frá henni Kamillu kakósnilling.

Við stefnum á að gefa ykkur smakk af þessum skemmtilega drykk og allir munu fá uppskriftina með sér heim.

Ásdís rekur heimasíðuna grasalaeknir.is og er einnig með snapchat: asdisgrasa og instagram: asdisgrasa. Endilega kíkið á hana og fræðist meira um það sem hún hefur upp á að bjóða.

Eins verður hægt að smakka á granóla okkar systra og það verða nokkur fleiri tilboð í gangi. Svo má ekki gleyma því að uppskriftapakki nr 5 verður kominn úr prenti, stútfullur af girnilegum réttum og töluvert af hugmyndum að kvöldverði en ég hef fengið beiðnir um meira matarkyns undanfarið. 

Þar sem ég er búin að vera ansi dugleg við bakstur alla helgina þá langar mig að gefa ykkur 3 nýjar uppskriftir hér í þessum pósti sem ég prófaði og fékk ég tvær þeirra að láni frá vinkonum mínum af snappinu.

Þið þekkið nú eflaust aðra þeirra en það er hún Kolbrún Freyja sem var hamingjustúlkan okkar í ár en hún er algjör snillingur í eldhúsinu og rekur kaffihús á Hvanneyri á sumrin svo það eru hæg heimatökin hjá henni þegar hún riggar upp LKL vöfflum á laugardegi. Vöfflurnar eru bæði hægt að gera með og án vanillu, og passaði vel að hafa þær án vanillunnar þegar við bárum þær fram með eggi og skinku en vanillan gerði mikið þegar þær voru með súkkulaðismyrjunni, jarðaberjum og þeyttum rjóma.

Vöfflurnar hennar Kolbrúnar:

3 egg
100 g möndlumjöl
1/2 tsk vínsteinslyftiduft
2 msk brætt smjör eða olía
tæplega 1 dl rjómi
vanilla eftir smekk, sérstaklega ef það á að fá sér sæta vöfflu
salt

Blandið öllu vel saman, sniðugt að nota nutribullet, þynnið deigið hæfilega með rjóma eða þar til þið eruð ánægð með áferðina, ég notaði tæplega 1 dl. Steikið vöfflurnar í vöfflujárni og berið fram annaðhvort með góðu áleggi og eggi eða útbúið ekta brunchvöfflu með súkkulaðismyrju frá Good good, jarðaberjum, þeyttum rjóma og Good good sýrópi.

 

Svo er það hin daman mín eða hún Linda (Low Carb Linda) eins og hún kallar sig á snapchat en hún er algjör snillingur og er dugleg að fræða okkur um LKL mataræðið á snappinu sínu. Hún eldar sér mjög einfalda rétti og er með flotta sýn á þetta mataræði sem er að gera allt kreisý á skerinu.Hún gerði dásamlegt berjapæ um daginn sem ég ætla að deila með ykkur með örlitlum tilfæringum.

Það elskuðu allir í vinnunni þetta pæ og þeytti rjóminn gerði algjörlega útslagið. 

Ég bendi á að ávextir eru yfirleitt ekki ofarlega á blaði á LKL mataræðinu að undanskildum berjum og þá eru hindber besti kosturinn. 

Berjapæið hennar Low Carb Lindu:

150 gr mjúkt smjör
100 g möndlumjöl
50 g kókoshveiti
60 g sæta Good good
20 g Sukrin gold
2-3 dl hindber, fersk eða frosin, má líka nota bláber
1 tsk vínsteinslyftiduft
1 egg
1 tsk vanilludropar

Hrærið saman hráefnið og kreistið smjörið sundur með puttunum.
Dreifið berjum í botninn, deiginu yfir og setjið nokkur ber á toppinn, bakið í 25 mín á 170°C.  

Ef þið viljið kíkja á skvísuna þá er hún með þetta snap:

Svo er það marsipanið góða sem mikið er búið að spyrja um en við vorum einmitt að taka inn fituskert möndlumjöl sem hentar stórvel í þessa uppskrift. 

Marsipankonfekt Kristu

2 eggjahvítur
90 g fituskert möndlumjöl, Funksjonell
60 g Good good sæta fínmöluð
1/2 tsk möndludropar, má líka bæta við rommdropum
1/2 tsk grænn matarlitur

Hrærið allt saman í hrærivél þar til liturinn hefur blandast vel.
Hnoðið litlar kúlur úr deiginu og setjið í kæli í smá tíma.

Bræðið súkkulaði, mæli með Cavalier 85% súkkulaði eða Choco perfection
og mér finnst gott að setja 1/2 tsk af kókosolíu til að mýkja upp
og þynna aðeins súkkulaðið.

Húðið nú kúlurnar með því súkkulaði sem þið kjósið að nota.Það er mjög fallegt að strá muldum möndlum yfir og kæla svo þar til súkkó hefur storknað.

Njótið elskurnar.

 

 

Sköpum okkar eigin hamingju og verum góð við hvort annað kæru vinir!

María Krista – Systur & Makar –

Ef þér líkaði þessi póstur væri dásamlegt ef þú vilt vera yndi og deila!

Hægt er að fylgja okkur á InstagramFacebookPinterest og Twitter

Einnig bendum við á póstlistann okkar hér.

SNAPPIÐ OKKAR ER: systurogmakar

Veljum íslenska hönnun og íslenska framleiðslu!

María Krista Hreidarsdóttir

Skildu eftir skilaboð

Left Versla áfram
Þín pöntun

Karfan þín er tóm