Hamingjudagur Systra&Maka: kokteilboð og kynningar!

 
Já það er loksins komið að þessum dásamlega degi okkar Systra&Maka sem við höfum planað í þvílíkum undirbúningi með frábærum fyrirtækjum.
Við förum með henni Kolbrúnu Freyju í allskonar stúss allan daginn sem fylgjast má með á snappinu okkar "systurogmakar" sem og á instagram og facebook. Hún fer í algjört dekur, fær gjafir, nudd, lunch úttektir, yfirhalningu og ég veit ekki hvað og hvað!
En hér viljum við aðeins segja frá dagskránni sem verður í boði í kokteilboðinu um kvöldið í versluninni okkar í Síðumúla 21. En það verður ansi margt spennandi í boði á morgun og við vonum svo sannarlega til að sjá sem flesta!

Dagskráin milli 19:00 - 22:00..

• Systur&Makar bjóða -10% af öllu í versluninni sem er ekki nú þegar á afslætti (þetta verður allan daginn frá 11:00 – 22:00)


• Inika býður uppá kynningu á sínum vörum sem við mælum með!

  • Einnig verða Pure Rosehip oil kaupaukar meðan birgðir endast ef verslaðar eru fleiri en 2 Inika vörur. Einnig er -20% afsláttur af sólarpúðrum í lausu, 2 litum og Light Reflect Cream á meðan birgðir endast.


• Crabtree&Evelyn býður upp á kynningu á öllum sínum vörum og -30% afslátt á völdum vörum frá LaSource.


• Kynning verður á vörum frá Insight sem og -20% afsláttur af öllum þeirra vörum!


• Lifefactory verður með kynningu og enn er slatti til af tilboðsbrúsum frá þeim á -40% afslætti!

• Blush verður með kynningu og sölu á sínum vörum með -10% afslætti milli 19-22 inní jóladeild.


• Munum dagbækurnar verða á 50% afslætti á meðan birgðir endast.

Essie ætlar að bjóða upp á naglalökkun fyrir gesti.

 


• Oroblu býður 20% af öllum leggingsbuxum.

 


• Glov verður með kynningu og hreinsihanskarnir í hvítu, bæði stórir og travel eru á -40% afslætti meðan birgðir endast en Glov ætlar einnig að bjóða öllum QuickTreat hreinsiputtann sem kaupauka sem að versla fyrir +5000.- í versluninni frá 19:00 – 22:00.

 


• Dabba Design kemur með smekkina sína og sniðugu leikbækurnar og heldur kynningu og sölu á þeim. Alma, barnabarnið hennar Maríu elskar þessar bækur eins og margir hafa séð á snappinu.

 


• Krista kynnir nýjasta uppskriftapakkann nr 4. en honum fylgir frábær kolvetnalisti sem kaupauki með fyrstu 300 pökkunum, þessir rjúka alltaf hratt út!

 

• Krista býður upp á sykurlausan súkkulaðibúðing

 

• Eirný frá Búrinu kemur með glæsilegan ostabakka til að smakka en einnig verður hægt að versla hjá henni gourmet til að taka með heim!

 

• Ölgerðin býður gestum uppá glænýja sumardrykkinn LoV sem og Kristal í gleri! 

 

• Steðji býður upp á smakk af Öldu, sykurlausa límónaðinu sem við systur elskum.

 

• Bai drykkurinn verður í boði frá Icepharma, ferskur og frískandi. 

 

• Systur&Makar bjóða uppá kaffi og hvítvín.

 

• Nói Síríus býður uppá konfekt fyrir gesti

 

• Smakk verður á Lava Cheese, en það hentar vel fyrir LKL mataræðið.

 

• Deig býður upp á geggjað súrdeigsbrauð og hægt verður að smakka sósurnar frá Stonewall Kitchen með því.

 

Þetta verður því heljarinnar dæmi eins og þið sjáið!

Þá hlýtur Kolbrún Freyja sem að vann Hamingjudagskosninguna einnig glæsilegar gjafakörfur sem og annað og þriðja sætið.

Hér viljum við setja aftur inn tilnefningarnar um þær sem að unnu:

1. sæti: Kolbrún Freyja

 Ástin mín er gríðarleg hetja sem fer þangað sem hún þarf að fara, á hnefanum ef hún þarf þess. Hún er frábær mamma, yndisleg eiginkona og einstakur vinur, segir Konráð sem tilnefnir hér eiginkonu sína.

Við eigum 4 börn, 11 ára stelpu, 5 ára strák og 4 ára tvíburastráka. Drengirnir eru fæddir með 357 daga millibili.

Sá elsti er glasabarn og það tók rúmt ár með tilheyrandi hormónameðferðum, björtum vonum og "hjartabrjótandi" vonbrigðum. En hann var vart kominn af fæðingardeildinni þegar, au naturale þungun átti sér stað sem kom okkur mjög á óvart því þetta átti ekki að vera hægt nema með hjálp læknisfræðinnar.

Það er talsvert stökk að fara úr 1 barni í 4 á tæpu ári og getur langvarandi álag á heimilinu haft slæm áhrif andlega og líkamlega. Kolbrún greyndist með vefjagigt í ofanálag við nær 2 ára samfellda meðgöngu. Þetta í bland við þá þegar laskaðan skrokk vegna gamals bílslyss getur reynst þrautinni þyngri.

Hún hefur verið frá vinnu í nær ár og á enn töluvert í land en stendur sig þó sem hetja og lætur ástand sitt hafa sem minnst áhrif á börnin. Þrír orkumiklir drengir eru vel rúmlega handfylli fyrir fullfrískt fólk, hvað þá aðra og því væri það yndælt ef hún gæti komist í smá "frí" og fengið að njóta sín án nokkurra kvaða í smá stund.

Kveðja Konráð

2. sæti Hrönn Ásgeirsdóttir

Hrönn Ásgeirsdóttir er ótrúlega dugleg, hjartahlý, falleg og ein skemmtilegasta kona sem ég veit um. Hún er frábær fyrirmynd, yndisleg móðir, amma og vinkona!

Hún, ásamt allri fjölskyldunni, lenti í miklu áfalli sem mér langar að segja aðeins frá.

Morguninn 6. Apríl 2013 var yndisleg systir mín tekin frá okkur aðeins 17 ára gömul. Hún lést í bílslysi á leið úr vinnu þar sem drukkinn ökumaður keyrði í veg fyrir hana. Hún var yngst okkar systkyna en hún og mamma voru mjög nánar og missirinn ólýsanlega sár.

Ástæðan fyrir því að mig langar að tilnefna mömmu, er vegna þess hve mikið ég dáist að henni fyrir það hvernig hún hefur unnið með sorgina. Hún stofnaði minningarsjóð ásamt fósturföður mínum sem gefur á hverju ári fjármagn til ýmissa verkefna tengd forvarnarstarfi. Hún hleypur árlega í Reykjarvíkurmaraþoninu þar sem hún safnar fjármunum til þessara verkefna. Hennar markmið er að vekja athygli á vandanum og hún gerir allt til að koma í veg fyrir að svona gerist aftur.

Ekki nóg með það þá var hún nýsest á skólabekk aftur þegar systir mín lést. Eftir áfallið hélt hún ótrauð áfram og kláraði BA gráðu í félagsráðgjöf og fór beinustu leið í master í sama fagi þar sem hún skrifaði um barnsmissi. Þessu lauk hún með hæstu einkunn!

Undanfarið hefur hún verið fengin til að halda fyrirlestra bæði hjá hinu opinbera, í kirkjum og á ráðstefnum í háskólanum til að fjalla um niðurstöðurnar. Ég er svo einstaklega stolt af því hvernig hún rúllaði þessu námi upp eftir 30 ára fjarveru frá námi og erfiðleikana í kringum missinn en mamma er líka lesblind svo þetta var enn meiri áskorun fyrir hana.

Ég veit að hún á Hamingjudaginn svo sannarlega skilið.

Heiður.

3. sæti Inga Birna Ingólfsdóttir

Ég á góða vinkonu sem heitir Inga Birna Ingólfsdóttir.

Hún er 55 ára dugnaðarforkur með hjarta úr gulli og hugsar alltaf fyrst og fremst um aðra og á það til að gleyma sjálfri sér. Hún hefur staðið sem klettur við hlið mannsins síns sem hefur barist við slæmt krabbamein síðan í desember 2014. Þá var honum gefið að hann mundi ekki lifa nema 2-4 mánuði. Álagið getur því verið gríðarlegt á heimilinu.

Þau eiga tvo yndislega drengi sem eru fæddir 1982 og 1990, þeir eru báðir með þroskaskerðingu.

Inga Birna er hárgreiðslukona og er búin að vinna við það í rúm 30 ár.

Hún mundi aldrei fara að segja sína sögu sjálf, því hún er alltaf svo þakklát fyrir það sem hún hefur og segir að það séu margir sem eru ver staddir en hún.

Inga Birna á svo sannarlega skilið að vinna Hamingjudag!

Með bestu kveðjum
Sigrún Símonardóttir 

Við vonumst til að sjá þær allar til að taka á móti sínum gjafakörfum sem og öllum hinum sem voru valdar í 12 manna úrslitin. Þá eruð þið öll að sjálfsögðu hjartanlega velkomin og við vonumst svo sannarlega til að sjá sem allra flesta!

Sköpum okkar eigin hamingju og verum góð við hvort annað kæru vinir!

Katla og María – Systur & Makar –

Ef þér líkaði þessi póstur væri dásamlegt ef þú vilt vera yndi og deila!

Hægt er að fylgja okkur á InstagramFacebookPinterest og Snapchat

Einnig bendum við á póstlistann okkar hér.

SNAPPIÐ OKKAR ER: systurogmakar

Veljum íslenska hönnun og íslenska framleiðslu!

Katla Hreidarsdottir

Skildu eftir skilaboð

Left Versla áfram
Þín pöntun

Karfan þín er tóm