Gangurinn sem fékk yfirhalningu eftir jógatíma

Þar sem ég skulda orðið bloggfærslu um ganginn heima þá er viðeigandi að ég hendi henni inn áður en ég ræðst á stofuna mína.

Jógatími endaði sem vinnuhelgi

Nú á ég það til að fá skyndihugdettur og það gerðist einmitt með ganginn heima. Ég lá á jógadýnu á laugardegi og var að reyna að slaka á þegar mér datt allt í einu hug að ég ætti að koma við í Slippfélaginu sem er svo heppilega staðsett við hliðina á HRESS og kippa með mér málningu fyrir ganginn. Já já bara si sona, sveitt og smart !! Börkur greyið var í 3 tíma hjólatúr og hefur pottþétt ætlað að fara í sturtu og slaka vel á með bjór þegar hann kæmi heim en ekki mæta konunni sinni í ræktarfötunum, löðursveittri og búin að tæma allan ganginn, rífa nagla úr og spartla !!! Hvað er að mér ?

En þessi elska sem á einmitt afmæli í dag 2.nóvember tók þessu öllu með stóískri ró og skipti yfir í málningargallann eins og ekkert væri og hófst handa við að mála með mér. Hann er orðinn nokkuð vanur mér og ég held að innst inni finnist honum gaman að þessu stússi. Hann er allavega alveg farinn að treysta mér fyrir valinu á hinu og þessu og mjög ánægður hingað til.

Rómó #3

Ég hafði nýlega séð bloggfærslu hjá Soffíu snilla hjá Skreytum hús þar sem hún var að mála heima hjá sér með gráum lit en hann kallast rómó grár og fæst í 3 mismunandi litatónum. Hún endaði í dekksta litnum á svefnherberginu sínu og mér fannst hann alveg truflaður svo ég valdi að mála ganginn allan með rómó3. Þetta kom ótrúlega vel út þar sem allar hurðar eru lakkaðar hvítar og gólfið ljóst sem og loft og varð gangurinn bara hlýlegri fyrir vikið og minnir okkur núna á lítið sætt boutique hótel. 

Það var svona drapp beige litur á veggjunum áður sem hefur alveg þjónað sínum tilgangi vel og var voða fallegur með hvítu húsgögnunum mínum og rómantíska smádótinu en nú er ég aðeins að fá nóg af smádóti og langar að fullorðnast og minimaliza allt. Það er ótrúlegt hvað safnast mikið af glingri heim til manns með árunum og sumt er alveg búið að klára sig. Það var því ákveðinn léttir að pakka niður og gefa margt sem hefur fylgt okkur frá upphafi búskapar í 22 ár.

Bara það að skipta út römmum gerði heilmikið fyrir ganginn fína.

Þessar myndir eru grafíkmyndir sem unnar eru eftir ljósmyndum frá börnunum. Það vantar bara eina fyrir Nóa minn en hún kemur, það er ég viss um.

Hliðarborð var lakkað svart með spreyi úr Slippfélaginu sem er algjör snilld, við fengum okkur svartan Stockholm stól úr IKEA við tölvuborðið og í Söstrene var spegill á bilað góðu verði sem við keyptum og erum ótrúlega ánægð með.

Svarti Stockholm stóllinn, elskum hann í ræmur

Næsta mál er að græja stofuna í sama stíl en við viljum mála fleiri húsgögn, borðstofuskápinn okkar t.d. sem við smíðuðum sjálf fyrir 15 árum og höfum aldrei málað aftur. Hann verður dökk grár og við erum að hugsa um að taka áfram rómó3 en jafnvel dekkja aðeins meira. Þetta verður skemmtilegt verkefni og höfum við fækkað aðeins húsgögnum og borðbúnaði í leiðinni enda allt of mikið til af öllu á heimilinu.

Ég vil enda þessa færslu á að minna á að í Slippfélaginu, sem er okkur oft innan handar í þessum framkvæmdum, þá eru tilboðsdagar á litum Slippfélagsins og hægt að fá fríar litaprufur alla helgina.

🎉 LITADAGAR Slippfélagins eru hafnir 🎉

Við setjum alla litina á tilboð, 40% afslátt af öllum litum, og þetta er ekki það eina, haldið ykkur fast, því við bjóðum öllum viðskiptavinum upp á að prufa litina okkar með því að fá FRÍA LITAPRUFUR að auki!*

Meiri upplýsingar HÉR: https://slippfelagid.is/litadagar-i-slippfelaginu-til-17-nov/ 

Kveðjur úr Slippfélaginu 🇮🇸 

*Afslátturinn gildir þegar liturinn er blandaður í innanhúsmálninguna Bett 10 sem er framleidd af Slippfélaginu og miðað er við 2 litaprufur á hvern viðskiptavin.

Sköpum okkar eigin hamingju og verum góð við hvort annað kæru vinir!

María Krista – Systur & Makar –

Ef þér líkaði þessi póstur væri dásamlegt ef þú vilt vera yndi og deila!

Hægt er að fylgja okkur á InstagramFacebookPinterest og Twitter

Einnig bendum við á póstlistann okkar hér.

SNAPPIÐ OKKAR ER: systurogmakar

Veljum íslenska hönnun og íslenska framleiðslu!

 

 

 

 

María Krista Hreidarsdóttir

Skildu eftir skilaboð

Left Versla áfram
Þín pöntun

Karfan þín er tóm