Frakklandsferðin - dagur 3 - meira stuðið!

Frakklandsferðin dásamlega sem við systur, makar og drengir fórum í saman 28 mai - 8. júní.

Ég er að sjóða saman ferðasöguna okkar í nokkra pósta, þar sem margir báðu um tips um staðina sem við heimsóttum osfrv. Provence hérað Frakklands er með eindæmum dásamlegt og endalaust margir staðir til að heimsækja.
Ferðaplanið var því þaulskipulagt og sett í möppu og því var fylgt nokkuð hátíðlega en þó vissulega með breytingum hingað og þangað. 

Ef þú vilt lesa þetta allt frá byrjun þá má finna

Hér er svo komið að næsta kafla!

Morgnarnir okkar byrjuðu aldrei of snemma og við nutum þess að slaka á í rólegheitunum. Við komumst yfir margt og það furða sig margir á því.. en við bara slökum á hratt og njótum nokkuð hratt!

Við gerum margt hraðar en aðrir og þetta er bara eitt af því... ;)

Við fórum til dæmis í hressingargöngu þennan morguninn sem átti að verða hefð alla morgnana.. ég fór einu sinni í ferðinni (hröðust að klára þessa hefð) og María og Tóta tvisvar. Bada bing, prófað mál.. let's move on! 

Þá var haldið af stað, dagurinn var nokkuð planaður og fyrst á dagskrá var kanoe ferð niður á sem var stutt frá heimilinu okkar.

Þessi dagskrárliður var svona helst hugsaður fyrir drengina en shæll í gær hvað þetta var mikil snilld!!!

Eftir stutta útskýringu á björgunaraðferðum af frekar málhöltum fransmanni var okkur skellt í báta, tveimur og tveimur saman.

Ég og María fórum saman og þar sem ég var mest á camerunni með snappið á lofti var ég látin sitja fyrir framan. Þetta þýddi það að María fékk að róa mest og hafa mest fyrir því að koma mér niður þessa blessuðu á.. Ég skildi aldrei vælið í henni, þetta var svolleiðis rólegheitarsiglingin í mínum huga...

Makarnir fóru saman, enda vinna þau best saman... og drengirnir deildu svo bát. 

Það kom náttúrulega í ljós eftir á að við María vorum á hálf gölluðum bát sem var með dæld í á annarri hliðinni fremst.. þetta þýddi því það að meðan hinir bátarnir tveir (og restin af hópnum) sigldu nokkuð létt niður á milli trjánna, ss beint! (Við áttum sko að halda okkur á miðjunni eins og hægt væri).. Fórum við María undir hvert einasta sjáanlega tré, inní hvert einasta rjóður og tókum ánna zik zak niður, bókstaflega alla leið!!!

Við skildum ekkert í þessu.. en þetta var klárlega gallanum í bátnum að kenna... (eða Maríu!) ;)

Veðrið var yndislegt og umhverfið algjört himnaríki!! Við mælum því klárlega með þessari ferð og langaði okkur strax að fara aftur!

Fyrirtækið heitir Canoe Evasion (smellið á linkinn), þetta er staðsett ca. 10 mín frá L'Isle-sur-la-Sorgue.

Ferðin tekur ca 2 - 3 klst (við vorum ekki nema rúmlega tvo tíma enda víkingar!) og kostar ca 17€ á mann.

Eftir ferðina fórum við til Saint- Rémy-de Provence.

Þetta er yndislegur krúttbær og miðbærinn er frekar lítill. Okkur tókst að koma inn eiginlega á milli matartíma sem þýddi að "siestan" eins og Spánverjar kalla það var byrjuð. Það kom sossum ekki að sök, við röltum um litlu göturnar og umhverfið var allt frekar ljóst og fallegt. Veðrið var létt og milt, ekkert steikjandi sól samt svo það var notalegt að skoða sig bara um í rólegheitunum.
Þarna var líka komið að sætindapásu svo við fengum okkur crépes með súkkulaði og tilheyrandi til að vinna upp kaloríubrennsluna í canoe ferðinni.

 

Þessir bæir eru náttúrulega bara konfekt fyrir Instagram myndir svo við vorum í því að mynda bara tröppur og steina, húshorn og mjóa stíga!

Myndó stelpurnar!

Turninn þarf mikla orku svo við pössuðum okkur á því að stoppa reglulega til að borða soldið vel og halda blóðsykrinum vel á lofti, allt fyrir hann þessa elsku!... (finnst ykkur skítt að kenna krakkanum um eigin græðgi eða..?)

Talandi um soldið gúmmelaði.. Sacristain, þetta er sérréttur í Provence enda eru möndlur ein af þeirra helstu vörum.

Þetta eru sumsé eins og vínarbrauðslengjur úr smjördeigi með möndlum, möndluflögum, vanillusykri og mögulega aðeins meira af sykri.. nomm nomm nomm

Bakstur og bakkelsi er klárlega eitt af því sem Provence búar eru sérfræðingar og bakarí að finna á hverju horni. Myndin hér að ofan er t.d. tekin inn um gluggann á einu slíku og sýnir þarna mismunandi tegundir af smákökum.

Eftir þetta gluggagláp var komið að kvöldmat og við María fundum stað í gegnum Trip sem fékk bara alveg ágætis einkunn. Restaurant la Medina varð fyrir valinu, marokkóskur matur. Okkur fannst mikilvægt að drekkja ekki öllum í frönskum mat endalaust og prufa svona annað í bland.

Drengirnir fengu sér hamborgara sem var mjög góður og réttirnir okkar voru bara allt í góðu...

Sko, það er örugglega ekkert að marka mann þegar maður kemur frá Íslandi og þykir sitt eigið lambakjöt himnasending líkust. Þá held ég að erlent lambakjöt standist illa samanburðinn og bragðlaukana sem eru vanir íslenska kjötinu.
Kryddin voru þó mjög góð og þjónustustúlkan dásamleg! Við gáfum því staðnum bara fína einkunn og fórum og fengum okkur eftirrétt annarsstaðar ;)

 

Eftir langan og viðburðaríkan dag var haldið heim á leið í notalegheit á pallinum okkar! Næsti dagur var framundan og heilmikið plan eftir!

Sköpum okkar eigin hamingju og verum góð við hvort annað kæru vinir!

Ef þér líkaði þessi póstur væri dásamlegt ef þú vilt vera yndi og deila!

Katla – Systur & Makar –
Hægt er að fylgja okkur á InstagramFacebookPinterest og Twitter... og nú á SNAPSHAT!
Einnig bendum við á póstlistann okkar hér.
Veljum íslenska hönnun og íslenska framleiðslu!

 

Katla Hreidarsdottir

Skildu eftir skilaboð

Left Versla áfram
Þín pöntun

Karfan þín er tóm