DIY bulky garn- gróft teppi eftir Mekkín- leiðbeiningar!: uppfært

Hún Mekkín litla frænka er nú meiri snillingurinn! Fyrir þá sem ekki vita þá er hún frumburður Maríu sys og Barkar með alveg hágæða genablöndu greinilega. Hún er með eindæmum frjó, dugleg, metnaðarfull og algjör dúllari!

Mekkín býr í Kaupmannahöfn þar sem hún stundar nám í hjúkrun og heldur úti sinni eigin bloggsíðu þar sem hún skrifar um hvað hún er að stússa hverju sinni, allskonar DIY verkefni, uppskriftir og fleira. En hún gerir einnig dásamlega falleg kúrudýr sem við seljum einmitt í versluninni okkar í Síðumúlanum.

Ég fékk að endurpósta blogginu sem hún gerði núna um daginn þar sem mér fannst hann bara aðeins of flottur! Jebb, þetta verður næsta verkefni hjá Kötlu frænku.. það er bara þannig!

Sjá upprunalegan póst hér:

Í þessum pósti ætla ég að sýna hvernig hægt er að útbúa bulky garn/spagettí garn. En mig hefur lengi langað til ad prófa "arm-knitting" eða að prjóna med höndunum, svona risa prjón, en ég hef bara aldrei fundið garn vid hæfi, svo datt mér í hug ad prófa ad útbúa það sjálf úr flísteppum og það er bara snilld.

Hér kemur sýnikennsla í myndum :D 

Ég notaði ódýru hvítu flísteppin úr Rúmfatalagernum, en það er örugglega hægt að nota aðrar týpur af efnum eða flísteppum. Ég valdi þessi því þau eru mjög ódýr og mjúk og góð :) (12 dkk - 385 kr á íslandi) 

Ég hef átt svona teppi áður, og hef þessvegna prófað að þrífa það og það minnkaði ekki mikið, en það er örugglega öruggast að þrífa teppin þá áður er hafist er handa við að klippa þau í garn. 

Teppin eru 160*130cm, og hliðin sem er merkt með * á myndinni er sú hlið sem er "teygjanleg".

1. Brjóttu teppið saman í tvennt, eins og á myndinni, ranga hliðin snýr út.

2. Saumaðu teppið saman, þannig að úr verði einn hólkur, mikilvægt ad nota zikzak saum og sauma eins nálægt kantinum og hægt er. 

3. Snúðu hólknum á réttuna, leggðu hann saman á sléttan flöt, gólf eda borð. 

4. Næst klippirðu ræmur, en ekki klippa alla leið. Ég hafdi ræmurnar frekar stórar til að garnið yrði sem þykkast, en þær voru ca. 3 puttar á breidd. Þad þarf ekki ad klippa fullkomnar ræmur, bara reyna ad hafa þær frekar beinar og í svipaðri stærð. 

5. Smeygðu hendinni inn í hólkinn eins og á myndinni hér fyrir ofan, og dragðu allt upp á handlegginn.

6. Núna þarf ad klippa ræmurnar í garnlengju, en þá er klippt á ská í gegn. Fyrsta ræman er endinn en hún er klippt á ská frá restinni, svo er klippt á ská milli raða, í gegnum allt.

 

7. "Garnid" lítur núna út eins og tagliatelle pasta, en með því að toga það til, verður það eins og spagettí garn :)

8. Svo nú er bara að toga allt garnið til og svo vefja það upp í hnykil og byrja að prjóna.

    

Hérna eru dæmi um saumspor, á efri myndinni notadi ég stórt zikzak spor en á neðri myndinni notadi ég beinan saum þegar ég saumaði saman.

Það sést greinilega á þessum myndum hvað skilin verða mikið fallegri med zikzak.
Hér læt ég svo fylgja nokkrar myndir með hugmyndum af verkefnum úr bulky garni. 

 

 

Nú er bara að byrja að prjóna, en það er alveg eins og að prjóna venjulega, ímyndaðu þér bara að hendurnar séu prjónar ;) 

Nú, ég er ekki eins sterk í prjónaskapnum eins og hún Mekkín mín svo ég fann nokkur kennsluvideo á youtube sem ég bæti hér inn:

 

 

 

Hér er svo útgáfa af einu riiiiiisavöxnu!!

Elsku besta Mekkín, takk fyrir að leyfa okkur að deila þessu frábæra bloggi þínu, og kæru lesendur, fylgist endilega með Krúsídúllu blogginu, það er algjörlega dásamlegt!

Krúsídúllur má einnig finna á Facebook, hér:

Ég bæti hér inn uppfærslu af blogginu hennar Mekkínar.

Hún er sumsé búin að klára teppið sitt og hér má sjá myndir af því!

Þad er ótrúlega einfalt og fljótlegt í gerð, mestan tíma tekur eiginlega að útbúa garnið sjálft (sjá: DIY bulky garn), en þegar maður er kominn á lagið med þad, tekur þetta enga stund. 
Teppið gerði ég á kannski klukkutíma, nádi sirka einum og hálfum sjónvarpsþætti ;) 
Ég notadi 5 flísteppi í heildina í þetta teppi, en þad er á stærð vid venjulegt sófa-kúruteppi..rosalega djúsí, mjúkt og hlýtt, þrátt fyrir ad það líti út fyrir ad vera soldid götótt..en það fylgir þessu risa-prjóni.
Ég horfdi nú bara á youtube video til ad ná tökum á prjónaadferdinni sjálfri en þetta var mjög audvelt.
 
Ég fitjadi upp 26 lykkjur, eda bara þar til höndin fylltist. Passið að gera þær ekki of lausar en samt ekki of strekktar heldur, svo það stoppi ekki blódflæðið þegar þið byrjið að prjóna. 
Ég prjónaði slétt prjón, frá einni hönd yfir á þá næstu. Garnið á ad vera fyrir framan prjónaverkið (sem sagt á gólfinu, ekki í kjöltunni).
Þú hefur garnið frá hnyklinum í hendinni sem lykkjurnar eru á. Svo smeygirðu einfaldlega einni lykkju yfir svo það myndast ný lykkja og færir nýju lykkjuna yfir á næstu hendi. Garnendinn í nýju lykkjunni á þá ad snúa að þér, en garnhnykillinn er ennþá fyrir framan prjónið (á gólfinu).  
Svona er prjónað koll af kolli þar til 5 garnhnyklar klárast. 
Gengið er frá endum og voila teppid er klárt fyrir næsta sófakúr. 
 
Ég vona innilega ad þid skiljid þessar útskýringar, annars er youtube (arm knitting) góður vinur :) 

Sköpum okkar eigin hamingju og verum góð við hvort annað kæru vinir!

Ef þér líkaði þessi póstur væri dásamlegt ef þú vilt vera yndi og deila!

Katla – Systur & Makar –

Hægt er að fylgja okkur á InstagramFacebookPinterest og Twitter

Einnig bendum við á póstlistann okkar hér.

Veljum íslenska hönnun og íslenska framleiðslu!

Katla Hreidarsdottir

Skildu eftir skilaboð

Left Versla áfram
Þín pöntun

Karfan þín er tóm