Breddur í Bæjarferð

Ætli þetta sé ekki ein bilaðasta hugmynd okkar systra til þessa svo við skulum bara útskýra þetta aðeins..

Við systur höfum alveg einstaklega gaman að því að vesenast, upplifa nýja hluti, finna falda fjársjóði og svo elskum við náttúrulega mest að deila því með öðrum svo allir geti notið góðs af, sbr hér á blogginu og á snappinu.

Eftir að hafa fylgst með ótrúlega skemmtilegu snappi í smá tíma sem heitir: islendingaruti, þar sem Íslendingar segja frá sér og sínu umhverfi út um allan heim, fengum við örlitla hugmynd. Snappið "islendingaruti", ferðast ss á milli Íslendinga í útlöndum og það er alveg ótrúlega athyglisvert að fá að sjá og heyra um mismunandi hefðir, umhverfi, veðurfar, vinnur, skóla ofl.

Okkur datt því í hug að gera einskonar "Íslendingar á Íslandi".. lið, á okkar snappi, sem værum þá bara við að upplifa eitthvað skemmtilegt og kannski stundum öðruvísi sem við getum gert á Íslandi. Landið okkar er jú orðið alveg ótrúlega ferðamannavænt með svakalega fjölbreyttum stöðum til að sjá, veitingarstöðum til að prufa og fyrirtækjum og verslunum til að skoða. Við gleymum því bara stundum að allt sem að túristarnir gera, getum við gert líka!

Þessi krúttlega hugmynd þróaðist því vel og lengi.. eða alveg síðan í fyrradag, í að vera komin með nafn: "Breddur í Bæjarferð", lógó og nú prentaða boli!

Hann Harald hjá HK merking græjaði fyrir okkur bolina en hann hefur bróderað fyrir okkur á flíkurnar í nokkur ár!

Við ætlum nú að skella okkur í fyrstu ferðina okkar sem verður á morgun, fimmtudag, og bjóðum ykkur öllum að koma með!

Til að byrja með fannst okkur rétt að skoða aðeins nánasta umhverfi og byrjum því á Reykjavík, þá er stefnan tekin í nágranna bæjarfélögin: Hafnarfjörð, Garðabæ og Álftanes, Kópavog og svo færum við okkur kannski smátt og smátt út fyrir og tökum fyrir Hveragerði, Selfoss og svo er aldrei að vita..

Markmiðið er að vera með þennan lið á snappinu 2 sinnum í mánuði, svona á milli þess sem við sýnum frá því sem við erum að gera og fíflumst, en fíflagangurinn tekur jú oft yfir!

Þannig að.. fyrsta ferðin er á morgun svo ef þið hafið áhuga á að sjá hvert ferðalaginu er heitið mælum við eindregið með því að bæta okkur bara á snappið: systurogmakar, og koma með!

Kveðja, breddurnar!

Sköpum okkar eigin hamingju og verum góð við hvort annað kæru vinir!

 

Ef þér líkaði þessi póstur væri dásamlegt ef þú vilt vera yndi og deila!

Hægt er að fylgja okkur á InstagramFacebookPinterest og Twitter

 

 

Einnig bendum við á póstlistann okkar hér.

 

 

Veljum íslenska hönnun og íslenska framleiðslu!

 

Katla Hreidarsdottir

Skilaboð

Katla Hreidarsdottir
Online[/url] Amoxicillin 500mg Capsules yve.dkzr.systurogmakar.is.bwa.gk http://mewkid.net/when-is-xuxlya/
Katla Hreidarsdottir
500 Mg Dosage[/url] Amoxicillin 500mg sip.mvaq.systurogmakar.is.cvu.ci http://mewkid.net/when-is-xuxlya/

Skildu eftir skilaboð

Left Versla áfram
Þín pöntun

Karfan þín er tóm