Ástarterta fyrir Tótu sína!

Hún Katla systir byrjaði í átaki með Tótu sinni eins og þorri landsmanna núna eftir áramótin og er hreinlega allt að detta í gírinn eftir töluvert sukk, svefnleysi og vinnutörn hjá okkur systrum og mökum. Tóta á samt sem áður afmæli þann 4. janúar og ákvað Katla því að skella í eina tertu henni til heiðurs sem er þó alveg án sykurs, hveiti og glúteins. Uppskriftina fékk hún hjá undirritaðri sem er á degi 4 að verða 5 í sykurleysi og er sú hin sama rosalega stolt af sér. Þetta var ágætlega einfalt og fljótlegt að græja á stuttum tíma og vakti tertan mikla lukku, líka daginn eftir í vinnunni. Katla mín, þú ert nú ekkert blávatn.

Ef þið viljið skoða fleiri uppskriftir með sykurlausum kökum, eftirréttum þá er hægt að kíkja á Kristu bloggið hér. 

Salthnetu ostakaka með kirsuberja jell-o og hindberjum.

Botn:
80 g möndlumjöl gróft
40 g brætt smjör
50 salhnetur malaðar
30 g Sukrin gold, eða Via Health strásæta með stevíu.
(fæst t.d. í Bónus, Krónunni, Nettó)

Fylling:
400 g rjómaostur
1 peli rjómi léttþeyttur
1 msk matarlímsduft eða 1 plata af matarlími ( fæst í bökunardeildunum )
100 g Via Health fínmöluð strásæta
1 tsk vanilludropar


Toppur:
250 g frosin hindber eða jarðaber
1 Jell-o pakki sykurlaus (fæst t.d. í KOSTI og Hagkaupum) cherry eða strawberry sugarfree
300 ml sjóðandi vatn



Aðferð:
Blandið saman mjöli og hnetum við smjör og sætu, hellið í eldfast mót og bakið í 10 mín við 170°c
Þeytið rjómann létt og takið til hliðar, þeytið næst rjómaostinn saman við sætuna og vanilludropa ásamt matarlímsduftinu.
Blandið rjómanum saman við og þeytið vel.
Hellið fyllingunni út í eldfasta mótið þegar það hefur kólnað ögn og dreifið úr henni. Kælið í ískáp.
Á meðan er hægt að útbúa Jell-o toppinn, sjóðið vatn og hellið í skál ásamt Jell-o duftinu. Hellið frosnum berjunum saman við og hrærið vel.
Þegar blandan er farin að kólna nokkuð þá er henni hellt yfir ostakökuna og hún kæld aftur. Berið fram þegar jell-o ið hefur stífnað.

 

Tóta, til hamingju með daginn, kv María Krista

Sköpum okkar eigin hamingju og verum góð við hvort annað kæru vinir!

Ef þér líkaði þessi póstur væri dásamlegt ef þú vilt vera yndi og deila!

María Krista – Systur & Makar –

Hægt er að fylgja okkur á InstagramFacebookPinterest og Twitter

Einnig bendum við á póstlistann okkar hér.

Veljum íslenska hönnun og íslenska framleiðslu!

María Krista Hreidarsdóttir

Skildu eftir skilaboð

Left Versla áfram
Þín pöntun

Karfan þín er tóm