Við systur létum prenta fyrir okkur jóladagatal fyrir nokkrum árum í þónokkru upplagi og eigum enn örfáa pakka í brúna náttúrulega pappírnum. Okkur langaði svo í hreina miða með gati úr ágætlega stífu kartoni sem hægt væri að nota fyrir allskonar aðventu-dagatals pælingar.

Um er að ræða brún náttúruleg spjöld úr kvistpappír með svörtu prenti.

Tölustafirnir eru misjafnir svo spjöldin raðast skemmtilega upp þegar þeim er raðað á sinn stað.

Hægt er að nota þau á ýmsa vegu, þau má til dæmis hengja á litla poka með gjöfum sem er krækt á band eins og sjá má hér:

Fallegt er að binda smá borða utan um þau og festa utan um tómar sultukrukkur með sprittkerti og svo er kveikt á nýju kerti á hverjum degi. Þetta kemur ofsalega vel út í glugga! (Athugið að þið munið þurfa 300 kerti í krukkurnar í heildina miðað við að kertin lifa í einn dag hvert).

Einnig er hægt að festa þau á vegg og nota þau sem viðburðardagatal:

Þetta finnst mér æðisleg hugmynd afþví það þarf ekki endilega að vera búið að setja gjafirnar í poka, þær geta verið í formi samverustunda með fjölskyldunni alla aðventuna. Verkefnin þurfa ekki alltaf að vera flókin og hér er smá listi með nokkrum skemmtilegum hugmyndum

1. Förum í skautaferð
2. Eldum saman eitthvað gott í matinn
3. Bökum piparkökur
4. Spilum spil
5. Föndrum jólakort
6. Förum í bakaríið og kaupum snúð
7. Búðarferð á Laugaveginn
8. Kíkjum á kaffihús og fáum okkur heitt súkkulaði
9. Skreytum úti-tré með seríu
10. Förum á jólatónleika
11. Laufabrauðsbakstur
12. Föndrum jólaskraut
13. Kíkjum í jólahúsið
14. Förum í bíltúr að skoða jólaljósin
15. Bökum smákökur
16. Horfum á jólamynd saman
17. Höldum fjölskylduspilakvöld
18. Verslum jólagjafir
19. Förum í göngutúr að skoða jólaljós
20. Fáum okkur heitt kakó og smákökur
21. Finnum jólatré
22. Verslum í jólamatinn
23. Búum til snjókarl
24. Skreytum jólatréð
25. Förum í jólabaðið
26. Byggjum snjóhús
27. Fáum okkur jólabjór (svona fullorðins ;)
28. Föndrum aðventukrans
29. Lærum um jólahefðirnar
30. Skoðum erlendar jólahefðir
31. Pússlum jólapúsl
32. Finnum og pökkum inn jólum í skókassa
33. Förum í jólamessu
34. Lesum jólasögu
35. Skrifum jólasögu
36. Lesum jólasveinakvæði Jóhannesar úr Kötlum
37. Lærum um aðventukertin fjögur
38. Bjóðum vinum í jólakaffi
39. Föndrum krans á leiðin
40. Búum til jólakonfekt

Og svo mætti lengi telja! Hugmyndirnar geta verið úr öllum áttum og ef þér dettur fleira í hug má endilega skrifa það hér í commentin að neðan svo aðrir geti nýtt sér þær!

Aðventudagatölin fást hér á netversluninni á 1900.- pakkinn en hægt er að versla með því einfaldlega að ýta á myndirnar eða kíkja í búðina okkar í Síðumúla.

Ef þér líkaði þessi póstur væri dásamlegt ef þú vilt vera yndi og deila :)

Verið góð við hvort annað kæru vinir!

Sköpum okkar eigin hamingju, kveðja Katla.

- Systur & Makar –

Hægt er að fylgjast með okkur á Instagram, Facebook, Pinterest og Twitter

Skráið ykkur endilega einnig á póstlistann okkar hér fyrir ofan til hægri

Veljum íslenska hönnun og íslenska framleiðslu!